CIUTA WANKONGONO-ZOSE ndiyo Murara wa cilengiwa. Umoyo withu, sono na muntazi wuwo ukuthemba pa iye. Wali na nkongono za kutumbika na za kulanga. Wali na nkongono za kupereka umoyo na kuwupoka. Usange tikukolerana nayo, tisangenge candulo, usange yayi, vyakurondezgapo vyake vitiŵenge vyacitima comene. Ncakuzirwa comene kuti kusopa kwithu kuŵe kwakuzomerezgeka na iye!

Ŵantu ŵakusopa mu ntowa zinandi. Usange cisopo cili nga ni ntowa, kasi ni visopo vyose ivyo nvyakuzomerezgeka na Ciuta? Cara nadi. Yesu, uyo wakatumika na Ciuta wakarongosora kuti pali ntowa ziŵiri pera. Iye wakati: ‘Ntowa nayo njisani, iyo yikurazga ku paraniko, ndipo mbanandi aŵo ŵakunjira mwenemumo. Pakuti cipata ncicoko, ntowa nayo njifinyi, iyo yikurazga ku umoyo, ndipo mbacoko aŵo ŵakuyisanga’—Mateyu 7:13, 14.

Pali mitundu yiŵiri pera ya visopo: cinyake caunenesko ico cikurongozgera ku umoyo na cinyake cautesi ico cikurongozgera ku paraniko. Cilato ca kabuku aka ncakumovwirani kusanga ntowa yakuya ku umoyo wamuyirayira.