CHIGAŴA 3
Mbanjani Awo Ŵakukhala ku Malo gha Mizimu?
1. Kasi cisopo ca ŵasekuru ŵakale awo ŵalikufwa cikuyana wuli na masitepu?
VIGOMEZGO vya ŵasekuru ŵakale vya muno mu Africa ŵakuviyaniska na masitepu. Pacanya pake pali Ciuta uyo wali na nkongono zauzimu. Mumpepete mwake muli ŵaciuta ŵacoko-ŵacoko, panji mizimu yeneiyo mbateŵeti ŵa Ciuta. Mumpepete mwa mizimu iyi muli ŵasekuru ŵakale awo ŵalikufwa, kweni ŵacali kukumbukira mbumba zawo izo zili pa caru capasi, ndipo mbakukondweskeka comene kumanya za umoyo wa mbumba zawo. Pasi pake pali mizimu yicoko-yicoko ya nga ndi mayere, kuwukwa na ufwiti.
2. Ni mwauli umo ntarika yinyake ya muno mu Africa yikurongolera kuti vigomezgo vya ŵasekuru ŵakale vikukhwaskaso cisopo?
2 Vigomezgo vya ŵasekuru ŵakale ivi vyakhwaska comene visopo vinyake muno mu Africa. Ntarika yinyake iyo yikuyowoyeka kuno ku Africa yikuti: “Kuskeperera ku cigomezgo ca (Cikristu panji Cisilamu) kukutikanizga cara kusopa ŵaciuta ŵa ŵasekuru ŵithu.”
3. Ni nku uko tingasambira unenesko wakuyowoya za ŵantu awo ŵakukhala ku malo gha mizimu?
3 Kasi vigomezgo vya ŵasekuru ŵakale nvyaunenesko? Baibolo likutiphalira unenesko wakuyowoya za ŵantu awo ŵakukhala ku malo gha mizimu.
Yehova, Ciuta Waunenesko
4. Kasi visopo vikuru-vikuru vya muno mu Africa vikuzomerezgaci?
4 Visopo vitatu vikuru-vikuru vya muno mu Africa vikuzomerezga kuti Ciuta waliko ndipo ngwankongono. Baibolo likumukonkoska iye nga ni “Ciuta wa ŵaciuta, na Fumu ya mafumu, Ciuta mukuru, wankongono na wakofya.” (Duteronome 10:17) Ŵasilamu nawo ŵakugomezga kuti pali Ciuta yumoza wankongono. Pakuyowoya za visopo vya ŵasekuru ŵakale vya muno mu Africa, Nkhwanta yakumanya za mdauko Geoffrey Parrinder yikayowoya kuti: “Ŵantu ŵanandi ŵa mu Africa ŵakugomezga mwa Ciuta wankongono, wiske wa ŵaciuta na ŵantu, mlengi wa cilengiwa cose.”
5. Kasi ni mazina wuli ghanyake agho Ciuta wakumanyikwa nagho?
5 Nangauli ŵantu ŵanandi ŵakugomezga mwa Ciuta, kweni ŵakumumanya makora cara Ciuta. Para mukukhumba kumumanya muntu, cakwamba mukwenera kumanya zina lake. Pakuyowoya za zina la Ciuta, pali ntimbanizgo yikuru comene pakati pa visopo. Mu visopo vya Cikristu, iye wakumanyikwa na zina lakuti Ciuta, ili ni zina la kumucindika waka, leneilo likung’anamura “Wankongono.” Kweni Ŵasilamu wakumucema kuti Allah. Awo ŵakusopa cisopo ca ŵasekuru ŵakale, zina la Wankongono Zose likuyowoyeka mwakupambana-pambana mwakuyana na ciyowoyero cawo. Mu
buku lakuti Concepts of God in Africa, John S. Mbiti wakalemba mazina ghakupambana-pambana ghakukwana 500 agho Ciuta wakumanyikwa nagho muno mu Africa. Mwaciyerezgero, mu ciyowoyero ca Yoruba ku (Nigeria), Ciuta wakumanyikwa na zina lakuti Olodumare; ku Ŵakikuyu ku (Kenya), wakumanyikwa kuti Ngai; ndipo Ŵazulu ku (South Africa), ni Unkulunkulu.6, 7. Kasi Ciuta zina lake ninjani, ndipo tikulimanya wuli?
6 Kasi Ciuta iyemwene wakuyowoyaci za zina lake? Penepapo wakamupempa Moses kuti ŵarongozge ŵana Ŵaisrayeli kufuma ku Egupto, Moses wakafumba Ciuta kuti: ‘Wonani, pakufika ine kwa Ŵaisrayeli na kuti kwa iŵo, “Ciuta wa ŵasekuru ŵinu wandituma kwa imwe,” usange ŵakufumba, “Kasi zina lake ni njani?” ‘Kasi ndamte uli kwa iŵo?’—Exodus 3:13.
7 Ndipo Ciuta wakati: ‘Nteura ndimo ukanenere kwa Ŵaisrayeli, “Yehova Ciuta wa ŵasekuru ŵinu . . . wandituma kwa imwe:” Ili ndilo zina lane muyaya, ndipo ici ncikumbusko cane mu mazuŵa ghose.’ (Exodus 3:15) Zina la Ciuta ili, liri kulembeka mu malo ghakujumpa 7,000 mu Baibolo, nangauli ŵang’anamuri ŵanyake ŵa Baibolo ŵawuskamo zina la Ciuta na kulembamo mazina ghaviwongo nga ni “Ciuta” panji “Fumu.”
8. Kasi Yehova wakuwoneka wuli, ndipo tikwenera kucitaci usange tikukhumba kuŵa pa ubwezi na iye?
8 Kasi Yehova wakuwoneka wuli? Iye ni mzimu, wankongono zose, wakucindikika. Iye ngwapacanya pa vyose, palije uyo wangayana naye. (Duteronome 6:4; Yesaya 44:6) Yehova wakamuphalira Moses kuti: “Ine Yehova Ciuta wako ndiri Ciuta wa sanji.” Panji tiyowoye kuti, usange tikukhumba kuti tiŵe pa ubwezi na Yehova tikwenera kumusopa iye pera. Iye wakukhumba cara kuti tisopenge cintu cilicose panji muntu waliyose.—Exodus 20:3-5.
Yesu Kristu, Themba la Ufumu wa Ciuta
9. Ncifukwa wuli tingayowoya kuti Yesu wakuyana cara na Yehova?
9 Lero pali ntimbanizgo yikuru pakuyowoya za Yesu. Ŵantu ŵanandi mu visopo vya Cikristu ŵakugomezga kuti Yesu ncigaŵa ca Utatu “Wakupatulika.” Kweni Baibolo ndimo likusambizgira cara, kuti Ciuta ni ŵantu ŵatatu awo ŵakupanga muntu yumoza. Likusambizgaso cara kuti Yesu wakuyana ndendende na Yehova. Yesu iyemwene wakayowoya kuti: “Ŵadada mbakuru kuruska ine.”—Yohane 14:28, NW.
10. Kasi Yesu wakaŵa nkhu penepapo wakaŵa wandize pa caru capasi?
10 Baibolo likusambizga kuti penepapo Yesu wakaŵa ŵandize pa caru capasi, iye wakakhalanga kucanya nga ncilengiwa cankongono cauzimu. Nga ni umo Yehova wakalengera Adamu na Heva, ndimoso wakalengera vilengiwa vyauzimu ivyo vikukhala kucanya. Yesu wakaŵa muntu wakudanga wauzimu uyo Yehova wakalenga.—Yohane 17:5; Ŵakolose 1:15.
11. Kasi vikacitika wuli kuti Yesu wababike nga ni muntu?
11 Pafupifupi virimika 2,000 ivyo vyajumpa, Yehova wakawusamya umoyo wa cilengiwa cauzimu ici kuya mu nthumbo ya mwali wakulangwa wakucemeka Mariya. Mungelo Gabrieli wakayowoya naye kuti: ‘Uti uŵenge na nthumbo, ndipo uti ubabenge mwana musepuka, ndipo zina lake uti umuthyenge Yesu. Wati waŵusenge [nga ni themba NW] . . . , ndipo ufumu wake uti umarenge cara.’—Luka 1:31, 33. *
12. Ncifukwa wuli Yesu wakiza pa caru capasi?
12 Mwanteura Yesu wakababika na kukura, ndipo wakasambizganga ŵantu vintu ivyo Yehova wakukhumba. Yesu wakamuphalira nteura kazembe wa Ciroma: “Ceneici ndico nkababikira, ndipo ndico [cifukwa] nkizira mu caru, mwakuti ndipanikizge na unenesko.” (Yohane 18:37) Mwakughanaghanira ivyo Yesu wakasambizganga, tingamanya unenesko wakuyowoya za khumbo la Ciuta. Tingamanya umo tingaŵira pa ubwezi na Ciuta.
13. Kasi cifukwa caciŵiri ico Yesu wakizira pa caru capasi ncakuti wuli?
Mateyu 20:28) Wakacita ici kuti tifwatuke ku kwananga kweneuko tili kuhara ku ŵapapi ŵithu ŵakudanga Adamu na Heva. Ici cikapangiska kuti ciŵe camacitiko kuti tiŵe na umoyo wamuyirayira. Mpostole Yohane wakalemba kuti: “Cifukwa cakuti Ciuta wakatemwa comene caru, rekani wakapereka Kananda wake, mwakuti yose uyo wakupulikana nayo wareke kutayika, kweni waŵenge na umoyo wa muyirayira.”—Yohane 3:16, NW.
13 Cifukwa caciŵiri ico Yesu wakizira pa caru capasi cikaŵa ca kuzakapereka umoyo wake kuŵa sembe cifukwa ca ŵantu. (14. (a) Ncici ico cikamucitikira Yesu panyuma pa nyifwa yake? (b) Kasi Yesu wakucita mulimo wuli sono kucanya?
14 Yesu wakafwa ndipo wakawuskika na Ciuta nga ncilengiwa ca uzimu ndipo wakakwelera kucanya. (Milimo 2:32, 33) Pamanyuma pake, Yehova wakamupa “kuŵusa na ncindi na ufumu, kuti ŵantu ŵose, ŵamitundu yose, na mayowoyero ghose ŵamuteŵetere.” (Daniel 7:13, 14) Yesu ni Themba lankongono; ni Themba la Ufumu wa kucanya wa Yehova. Sono-sono apa wazamurongora mazaza ghake pa caru cose capasi.
Ŵangelo Mbateŵeti ŵa Ciuta
15. Mphauli ndiposo ni nkhu uko ŵangelo ŵakalengekera?
15 Yehova na Yesu Kristu ndiwo pera cara awo ŵakukhala ku malo gha mizimu. Yehova walikulenga vilengiwa vinandi vya uzimu nga mbangelo. Gabriel uyo wakayowoya na Mariya njumoza wa iŵo. Ŵangelo ŵandakhalepo pa caru capasi nga ni ŵantu. Iŵo ŵakalengekera kucanya pambere ŵantu ŵandalengeke. (Job 38:4-7) Kucanya kuli ŵangelo ŵanandi comene.—Daniel 7:10.
Ŵangelo wakugomezgeka ŵakukhumba cara kuti tiŵasopenge
16. Ncifukwa wuli tikwenera cara kusopa ŵangelo?
16 Ŵangelo ŵakugomezgeka ŵakukhumba cara kuti ise tiŵasopenge. Kaŵiri, penepapo mpostole Yohane wakakhumbanga kuŵalambira ŵangelo, iŵo ŵakamuphalira kuti: ‘Reka kucita nteura! . . . Lambira Ciuta.’—Civumbuzi 19:10; 22:8, 9.
17. Kasi ncici cikurongora kuti ŵangelo ŵangavikirira ŵateŵeti ŵa Ciuta, ndipo cifukwa uli ici ncakupembuzga?
17 Ŵangelo ŵakuwonekeraso cara ku ŵantu ŵa Ciuta pa caru capasi nga ni umo ŵakacitira penepapo ŵakathaska ŵapostole ŵa Yesu mu gadi. (Milimo 5:18, 19) Ndipouli, usange tikusopa Yehova mwakuyana na Mazgu ghake, Baibolo, tingaŵa na cigomezgo kuti gulu la Yehova lambura kuwoneka na maso la ŵangelo ŵankongono lizamutivikirira. Baibolo likuyowoya kuti: “Mungelo wa Yehova wakuzingirizga aŵo ŵakumopa Yehova, na kuŵaponoska.” (Salmo 34:7; 91:11) Ncifukwa wuli ici cikutipa cimwemwe? Cifukwa ncakuti pali ŵarwani ŵanandi ku malo gha mizimu ŵeneawo ŵakukhumba kutiparanya!
Satana ni Murwani wa Ciuta
18. (a) Ncifukwa wuli mungelo yumoza wakagarukira Ciuta? (b) Kasi ni mazina wuli agho mungelo wakugaruka uyu wali kupika?
18 Kuti ni ŵangelo wose cara ŵa Ciuta awo ŵakakhalirira kuŵa ŵakugomezgeka kwa iye.
Ŵanyake ŵakamugarukira. Ŵakajizgora ŵekha kuŵa ŵarwani ŵa Ciuta, ndiposo ŵarwani ŵa ŵantu pa caru capasi. Kasi ici cikacitika wuli? Vilengiwa vyose vyauzimu ivyo Yehova wakalenga vikaŵa vyaurunji ndiposo viwemi. Kweni, yumoza wa vilengiwa vyauzimu ivi wakakhumbanga kuti ŵantu ŵamusopenge, ndipo wakacita khumbiro lake liheni ili. Cilengiwa cauzimu ici cikapika zina lakuti Satana, leneilo likung’anamura “Wakususka [wa Ciuta].” Wakucemekaso kuti Diabolosi, leneilo likung’anamura “Musesi,” cifukwa cakuti wakuyowoya vintu vyautesi vyakukhwaskana na Yehova.19. Kasi ncifukwa wuli ndiposo ni mwauli umo Satana wakamusuzgira Job?
19 Satana wakucicizga ŵantu kuti ŵakolerane nayo kugarukira Ciuta. Ghanaghanirani ivyo wakacita kwa muteŵeti ŵakugomezgeka wa Ciuta Job. Job wakaŵa musambazi comene. Wakaŵa na mberere 7,000, ngamila 3,000, ng’ombe 1,000 na mbunda zanakazi 500. Wakaŵaso na ŵana khumi na ŵateŵeti ŵanandi. Cakudanga, Satana wakakoma viŵeto na ŵateŵeti ŵa Job. Caciŵiri, wakacitiska “mpepo yikuru” kubwangandura nyumba na kukoma ŵana ŵake wose. Pamanyuma pake Satana wakamusuzga Job na “mapumba ghakuŵinya kwamba ku marundi kusi kuzakafika na pa mutu pacanya.”—Job 1:3-19; 2:7.
20. (a) Kasi Job wakatumbikika wuli cifukwa ca kugomezgeka kwake? (b) Nangauli Job wakaŵa wakugomezgeka kwa Ciuta, kasi Satana ŵacitaci ku ŵantu ŵanyake ŵanandi?
20 Mwambura kupwererako za ciyezgo cakuŵinya ici, Job wakarutirira kuŵa ŵakugomezgeka kwa Ciuta. Mwanteura Yehova wakamucizga, ndipo “wakamupa Job vinandi kuwerezga kaŵiri pa ivyo wakaŵa navyo pakudanga.” (Job 42:10) Satana wakatondeka kuparanya kugomezgeka kwa Job, kweni watonda pa kupatuska ŵantu ŵanandi kuti ŵaleke kuteŵetera Ciuta. Baibolo likuyowoya kuti: “Caru cose cikugona mu nkongono za muheni.”—1 Yohane 5:19.
21. (a) Ni mwauli umo Satana wakarongorera khumbo lake lakuti wasopekenge? (b) Ncifukwa wuli Yesu wakakana kusopa Satana?
21 Satana wakukhumba kuti timusopenge. Ici cikawoneka makoraghene penepapo wakamuyezganga Yesu pafupifupi virimika 2,000 ivyo vyajumpa. Baibolo likurongosora kuti: “Satana wakamutorera [Yesu] ku lupiri lutali comene, ndipo wakamurongora maufumu ghose gha pano pasi na ucindami wawo; ndipo wakanena nayo: ‘Vyose vyeneivi nditi ndikupenge, usange uwenge pasi na kundilambira.’” Kweni Yesu wakakana, na kumuphalira kuti: “Wukapo, Satana: cifukwa kuli kulembeka, ‘Ulambirenge Fumu Ciuta wako, ndipo umuteŵeterenge iyo yeka.’” (Mateyu 4:8-10) Yesu wakamanyanga makora nkanira dango la Yehova, ndipo wakacita cara ivyo Satana wakakhumbanga.
Viŵanda ni Mizimu Yiheni
22. Ni vintu wuli ivyo viŵanda vikucitira ŵantu?
22 Ŵangelo ŵanyake ŵakakolerana na Satana kugarukira Ciuta. Ŵangelo aŵa, awo ni viŵanda, mbarwani ŵa ŵantu pa caru capasi. Iwo mbankaza ndiposo mbakari. Munyengo za kale, ŵakapangiskanga ŵantu ŵanyake kuŵa ŵa ciburumutira ndiposo kuŵa ŵambuwu. (Mateyu 9:32, 33; 12:22) Ŵanji ŵakurwara panji kufunta cifukwa ca iwo. (Mateyu 17:15, 18; Marko 5:2-5) Iwo ŵakusuzgaso ŵana.—Luka 9:42.
23. (a) Kasi mizimu yiheni yikukhumbaci ku ŵantu? (b) Kasi Satana na mizimu yiheni ŵakupusika ŵantu kucitaci?
23 Nga ni Satana, mizimu yiheni iyi yikukhumba kuti yisopekenge. Mumalo mwakukana kuti ŵantu ŵaŵasopenge na kumanya kuti Yehova pera ndiyo wakwenera kulambirika, iwo ŵakudokera, ŵakukhumba kuti nawo ŵasopekenge ndipo ŵakukhuŵirizga ŵanji. Kwizira mu ntowa zake zakucenjera, utesi na wofi, Satana na viŵanda ŵapangiska kuti ŵantu ŵaŵasopenge. Enya, kuti ni ŵantu ŵanandi cara awo ŵakumanya kuti ŵakusopa Satana na viŵanda. Ŵanandi ŵangazizwa usange wangamanya kuti cisopo cawo cikutumbika Satana. Kweni, Baibolo likucenjezga kuti: “Sembe izo ŵamitundu ŵakukoma, ŵakukomera mizimu yiheni, Ciuta cara.”—1 Ŵakorinte 10:20.
24. Kasi ni ntowa wuli iyo Satana wakugwiriskira ncito kupuruskira ŵantu?
24 Ntowa yimoza iyo Satana wakupuruskira ŵantu kuti ŵamusopenge njakuthandazga maghanoghano ghautesi ghakukhwaskana na ŵantu ŵakufwa. Tiyeni tiwone ivyo Baibolo likusambizga vyakukhwaskana na nkani iyi.
^ ndime 11 Koran nalo likurongosora za kubabika kwakuzizwiska kwa Yesu pa Surah 19 (Mariya). Likuyowoya kuti: “Tikutumizga kwa [Mariya] mzimu Withu wakuyana na mwanarumi murara. Ndipo penepapo wakamuwona iye wakati: ‘Mphanyi Walusungu wanivikilira kwa imwe! Usange mukopa Ciuta, nilekani ndipo wererani uko mwafuma.’ ‘Ndine thenga la Fumu yako,’ wakazgora, ‘ndipo niza kuzakakupa mwana-musepuka mutuŵa.’ ‘Ni mwauli umo ningaŵira na mwana,’ Mariya wakazgora nteura, ‘penepapo nili mwali, nindakhalepo pamoza na mwanarumi?’ ‘Ili ni khumbo la Fumu yako,’ wakazgora nteura mungelo. ‘Ili ni suzgo yayi kwa Iye. “Iye wazamuŵa cimanyikwiro ku ŵantu,” yikuti Fumu, “ndiposo thumbiko lithu. Ili ni languro lithu.”’”