Padera pa kusopa Yehova pamoza na ŵanyithu ku maungano gha mpingo, gha dera na gha chigaŵa, tikusopaso Yehova nga mbumba kweniso patekha. Pasi apa pali masachizgo agho mungaghalondezga pa sambiro la mwaŵene panji pa kusopa kwa mbumba:

• Kunozgekera maungano gha mpingo. Mungasambiliraso kwimba sumu, kweniso kovwira ŵamumbumba yinu kunozgekera ivyo ŵangakazgora pa maungano.

• Kuŵazga nkhani ya mu Baibolo. Kufuma apo, jamburani chithuzi cha vyakuchitika vya nkhani iyo panji lembani fundo yinyake iyo mwasambirapo.

• Kuŵazga lurombo ulo luli mu Baibolo na kudumbiskana umo lungamovwilirani kuti malurombo ghinu ghaŵenge ghakupulikikwa makora chomene.

• Kuwonelera mavidiyo ghithu na kudumbiskana na ŵanji panji kulemba ivyo mwasambiramo mu vidiyo.

• Kunozgekera upharazgi, ndipo panji mungayezgelera umo mwamupharazgira.

• Kusanda chilengiwa na kughanaghanirapo panji kudumbiskana ivyo chikumusambizgani vyakukhwaskana na Yehova. a