Kasi mungatemwa kuti musangenge chomene chandulo na sambiro lamwaŵene? Yezgani nthowa izi izo zingamovwirani chomene kuti muŵikenge mahara pa ivyo mukusambira:

• Sankhani malo ghakwenelera. Usange ntchamachitiko, sangani malo ghawemi agho vinthu vili mu malo mwake kweniso ghali na ungweru wakukwana. Mungakhala pa desiki panji pa thebulu, panji mungapenja malo ghanyake ghakwenelera kuwaro kwa nyumba yinu.

• Sangani malo ghamwekha. Yesu wakatemwanga kulomba “namulenjilenji” ku “malo ghamayiyi.” (Mrk. 1:35) Usange vingachitika yayi kusanga malo ghamwekha, mungaŵaphalira ŵamumbumba yinu panji awo mukukhala nawo ndondomeko ya sambiro linu na kuŵapempha kuti panyengo iyi ŵamughanaghaniraninge.

• Ŵikani mtima pa ivyo mukusambira. Gegani vinthu ivyo vingamutimbanizgani. Usange mukutemwa kugwiliskira ntchito foni panji tabuleti pakusambira, yichunani makora kuti yileke kumutimbanizgani. Ndipo usange mukughanaghana vya kuchita chinthu chinyake, chilembani waka kuti muchichite para mwamara kusambira. Usange vikumusuzgani kuŵika mtima pa ivyo mukusambira, mungapumurapo dankha pachoko mwa kwendapokwendapo panji kujinyoloranyolora.