“Khwima Mtima. . . Luta Ukagwire Ntchito”
“Khwima mtima na kuŵa wankhongono, luta ukagwire ntchito. Ungawopanga chara panji kutenthema, pakuti Yehova . . . wali nawe.”—1 MID. 28:20.
SUMU: 60, 29
1, 2. (a) Kasi Solomoni wakapika ntchito wuli yakuzirwa? (b) Chifukwa wuli Davide wakamufipiranga mtima Solomoni?
SOLOMONI wakapika udindo wa kulaŵilira ntchito yakuzenga tempile mu Yerusalemu. Ntchito iyi yikaŵa yikuru chomene kweniso yakuzirwa. Tempile ilo wakeneranga kuzenga likaŵa ‘likuru chomene, mwakuti lumbiri na kutowa kwake vikenera kumanyikwa mu vyaru vyose.’ Kweni chakuzirwa chomene ntchakuti tempile ili likaŵa “nyumba ya Yehova Chiuta waunenesko.” Yehova wakati Solomoni ndiyo walaŵilire ntchito iyi.—1 Mid. 22:1, 5, 9-11.
2 Davide uyo wakaŵa Themba pa nyengo iyo, wakagomezganga kuti Chiuta wazamumovwira Solomoni. Kweni Solomoni wakaŵa ‘muchoko ndipo wakamanyanga vinandi yayi.’ Kasi Solomoni wakaŵa na chikanga kuti wazenge tempile? Kasi wakatondeka kuchita ntchito iyi chifukwa wakaŵa mwana muchoko kweniso wambura kumanya vinandi? Kuti Solomoni wachite ntchito iyi, wakeneranga kuŵa wachikanga na kwamba kugwira ntchito.
3. Kasi Solomoni wakasambirako vichi kwa adada ŵake?
3 Solomoni wakwenera kuti wakasambira kwa adada ŵake pa nkhani ya chikanga. Apo Davide wakaŵa muchoko, wakakoma vinyama vyakofya 1 Sam. 17:34, 35) Kweniso wakachita chikanga chomene kukatimbana na chinkhara pa nkhondo. Yehova wakamovwira Davide kukoma Goliyati na libwe.—1 Sam. 17:45, 49, 50.
ivyo vikakhumbanga kukora mberere za adada ŵake. (4. Chifukwa wuli Solomoni wakeneranga kuŵa wachikanga?
4 Chikaŵa chakwenelera nadi kuti Davide wakhozge Solomoni kuti waŵe wachikanga na kuzenga tempile. (Ŵerengani 1 Midauko 28:20.) Solomoni walekenge kuŵa wachikanga, wakate wawopenge, ndipo palije icho wakate wachitengepo. Kukharapo waka chete kukate kuŵe kuheni chomene.
5. Chifukwa wuli tikwenera kuŵa na chikanga?
5 Nga ni Solomoni, nase tikukhumbikwira wovwiri wa Yehova kuti tiŵe ŵachikanga na kuchita ntchito iyo tili kupika. Sono tiyeni tiwone ŵanthu ŵanyake ŵa mu nyengo yakale awo ŵakaŵa na chikanga. Apo tikudumbiskana za ŵanthu aŵa, tiyeni tighanaghanire umo ise tingalongolera chikanga na kuchita ntchito iyo tapika.
AWO ŴAKALONGORA CHIKANGA
6. Ntchivichi chikumukondweskani na chikanga cha Yosefe?
6 Wonani umo Yosefe wakalongolera chikanga apo muwoli wa Potifara wakakhumbanga kuti wachite nayo uzaghali. Yofese wakwenera kuti wakamanyanga ivyo wakumanenge navyo para wamukanira muwoli wa Potifara. Kweni iyo wakawopa yayi. Wakachita chikanga na kuchita mwamahara.—Gen. 39:10, 12.
7. Kasi Rahabi wakalongora wuli chikanga? (Wonani chithuzithuzi chakwamba.)
7 Rahabi nayo wakalongora chikanga. Apo Ŵaisrayeli ŵaŵiri ŵakiza ku nyumba yake ku Yeriko, iyo wakawopa ŵanthu yayi kweni wakaŵabisa. Wakachita chikanga chifukwa chakuti wakagomezganga Yehova. Wakaŵabisa na kuŵawovwira kuti ŵawelere ku charu chawo kwambura kupwetekeka. (Josh. 2:4, 5, 9, 12-16) Rahabi wakagomezga kuti Yehova ni Chiuta waunenesko. Ndipo wakagomezganga kuti nyengo yinyake Yehova wazamupeleka charu chawo ku Ŵaisrayeli. Iyo wakazomerezga yayi kuti kopa ŵanthu, nanga ni fumu ya mu Yeriko na ŵanalume awo ŵakiza kunyuma kwake, kumutondeske kuchita icho ntchakwenelera. Kweni wakachita vinthu ivyo vikamovwira kuti wapone na kuponoska ŵa mu banja lake.—Josh. 6:22, 23.
8. Kasi chikanga icho Yesu wakalongora chikawovwira wuli ŵapositole?
8 Ŵapositole ŵa Yesu nawo ŵakachita makora chomene pa nkhani ya chikanga. Iwo ŵakawona chikanga icho Yesu wakalongora. (Mat. 8:28-32; Yoh. 2:13-17; 18:3-5) Ivyo Yesu wakachita vikawovwira kuti nawo ŵaŵe na chikanga. Apo Ŵasaduki ŵakakanizganga ŵapositole kusambizga mu zina la Yesu, ŵapositole ŵakaleka yayi.—Mil. 5:17, 18, 27-29.
9. Kasi lemba la 2 Timote 1:7, likuti tingaŵa wuli na chikanga?
9 Yosefe, Rahabi, Yesu, na ŵapasitole ŵakaŵa na chikanga icho chikaŵawovwira kuti ŵachite milimo yiwemi. Kweni iwo ŵakajigomezganga ŵekha yayi. Ŵakaŵa na chikanga chifukwa ŵakagomezganga Yehova. Nase pali vinthu vinyake ivyo vikukhumbikwira kuti tiŵe na chikanga. Tikwenera kugomezga Yehova m’malo mwakujigomezga. (Ŵerengani 2 Timote 1:7.) Tiyeni tidumbiskane apo tingaŵira ŵachikanga mu banja lithu, na mu mpingo.
MPHAULI APO TIKWENERA KULONGORA CHIKANGA?
10. Chifukwa wuli ŵachinyamata ŵakwenera kuŵa ŵachikanga?
10 Ŵakhristu ŵanandi ŵachinyamata ŵakukumana na masuzgo. Ntheura ŵakwenera kuŵa na chikanga kuti ŵateŵetere makora Yehova. Ŵangasambirako kwa Solomoni. Iyo wakalongora chikanga apo wakachita vinthu mwamahara kuti wazenge tempile na kumalizga. Nangauli ŵachinyamata ŵakupokera ulongozgi ku ŵapapi ŵawo, kweni pali vinthu vinyake vyakuzirwa ivyo ŵakwenera kusakha ŵekha. (Zinth. 27:11) Ŵakwenera kuŵa ŵachikanga kuti ŵasankhe mwamahara ŵanthu ŵakuchezga nawo na vyakusanguluska. Pakukhumbikwiraso chikanga kuti ŵalutilire kuŵa na nkharo yiwemi, kweniso kuti ŵabatizike. Ŵawukirano ŵakulimbana na Satana, uyo wakunena Chiuta.
11, 12. (a) Kasi Mozesi wakalongora wuli chikanga? (b) Kasi ŵachinyamata ŵangamuyezga wuli Mozesi?
11 Ŵachinyamata ŵakwenera kusankha ivyo ŵazamuchita munthazi. Ntchakuzirwa kuchita nthena. Mu vyaru vinyake, ŵachinyamata ŵakuchichizgika kusankha masambiro ghapachanya kuti ŵazakasange ntchito zapachanya. Mu vyaru vinyake, chuma chikwenda makora yayi, ndipo ŵachinyamata ŵakuchichizgika kovwira ŵa mu banja lawo. Para ndimo vinthu viliri kwa imwe, wonani ivyo wakachita Mozesi. Iyo wakalereka na mwana mwanakazi wa Farawo. Mozesi wakhumbenge mphanyi wakasankha umoyo wapachanya, panji kusanga chuma. Ŵamunyumba yakwake, ŵasambizgi, kweniso ŵalongozgi ŵakwenera kuti ŵakamuphaliranga kuti wasange vinthu ivi. Kweni Mozesi wakathera yayi. Wakalongora chikanga ndipo wakaŵa ku chigaŵa cha Yehova. Iyo wakagomezga chomene Yehova wakati waleka chuma cha mu Eguputo. (Heb. 11:24-26) Yehova wakamutumbika Mozesi, ndipo tikugomezga kuti wazamusanga vitumbiko vinandi munthazi.
12 Mazuŵa ghano napo, Yehova wakutumbika ŵachinyamata ŵachikanga awo ŵakukhumba kumuteŵetera, na kuŵika vinthu vya Ufumu pakwamba. Yehova wazamuŵawovwira kusanga vyakukhumbikwa vya mabanja ghawo. Namwe mungachita nga ni Timote, munyamata uyo wakaŵako mu nyengo ya Ŵakhristu ŵakwambilira. Iyo wakakhumbanga kuchita vinandi pakuteŵetera Yehova. *—Ŵerengani Ŵafilipi 2:19-22.
Kasi mwaŵikapo mtima kuŵa ŵachikanga nyengo zose? (Wonani ndime 13-17)
13. Kasi chikanga chikamovwira wuli mudumbu munyake wachinyamata kuti wafiske vilato vyake?
13 Mudumbu munyake ku Alabama, U.S.A., wakeneranga kuŵa na chikanga kuti waŵe na vilato vyauzimu. Iyo wakalemba kuti: “Nkhaŵa na soni chomene apo nkhakuranga. Vikanisuzganga chomene kuyowoya na ŵabali na ŵadumbu pa Nyumba ya Ufumu. Kweniso vikanisuzganga chomene kugogoda pa nyumba za ŵanthu.” Ŵapapi ŵake kweniso ŵabali na ŵadumbu mu mpingo ŵakamovwira chomene. Wakafiska ivyo wakakhumbanga vya kuŵa mupayiniya wanyengozose. Iyo wakati: “Ŵanthu mu charu cha Satana ŵakuchiska munthu kuti wasambirenge chomene, kumanyika, kusanga chuma, na kuŵa na vinthu vinandi. Kanandi ukuvisanga yayi vinthu ivi, ndipo ukusuzgika waka maghanoghano na kulwara. Kweni kuteŵetera Yehova kwanovwira kuti nikondwenge, ndipo nkhuwona kuti ivyo nkhuchita ni vyakuzirwa chomene.”
14. Mphawuli apo ŵapapi Ŵachikhristu ŵakwenera kulongora chikanga?
14 Ŵapapi Ŵachikhristu nawo ŵakukhumbikwira chikanga. Nyengo zinyake bwana winu wakumupemphani kuti mugwirenge ntchito pa nyengo iyo mukusopa Chiuta. Wangamupemphani namise panji pa Chisulo na pa Sabata, pa nyengo iyo mukusopera na banja linu, iyo mukupharazgira, panji pa nyengo iyo mukuwungana na mpingo. Mukwenera kuŵa ŵachikanga kuti mukane ivyo wakumupemphani kuti ŵana ŵinu ŵasambireko. Panji ŵapapi ŵanyake mu mpingo winu ŵakuzomerezga ŵana ŵawo kuchita vinthu vinyake ivyo imwe mukukanira ŵana ŵinu. Ŵapapi aŵa ŵangamufumbani chifukwa icho mwana winu wakuchitirako yayi vinthu vinyake. Kasi mulongorenge chikanga na kuŵalongosolera makora chifukwa icho mukuŵakanizgira?
15. Kasi Lemba la Salimo 37:25 na Ŵahebere 13:5 lingawovwira wuli ŵapapi?
15 Tikulongora chikanga para tikovwira ŵana ŵithu kuti ŵaŵe na vilato vyauzimu na kuvifiska. Ŵapapi ŵanyake ŵangagongowa kuchiska ŵana Salimo 37:25; Ŵahebere 13:5.) Nthowa yinyake iyo mungalongolera kuti muli ŵachikanga ndipo mukugomezga Yehova, ni para mukovwira ŵana ŵinu kuti nawo ŵaŵe ŵachikanga na kugomezga chomene Yehova.—1 Sam. 1:27, 28; 2 Tim. 3:14, 15.
ŵawo kuti ŵachite upayiniya, kuteŵetera ku vigaŵa ivyo kukukhumbikwa wovwiri, kukateŵetera pa Beteli, panji kuchitako ntchito yakuzenga. Iwo ŵangawopa kuti ŵangazakaŵavya munthu wakuŵapwelelera para ŵachekura. Kweni ŵapapi ŵamahara ŵakulongora chikanga na kugomezga ivyo Yehova wali kulayizga. (Ŵerengani16. Kasi ŵapapi ŵanyake ŵawovwira wuli ŵana ŵawo kuti ŵaŵe na vilato vyauzimu? Ndipo pali uwemi wuli?
16 Banja linyake ku United States likawovwira ŵana ŵawo kuti ŵazakateŵetere Chiuta. Dada wawo wakati: “Apo ŵana ŵithu ŵakaŵa kuti ŵandambe kwenda na kuyowoya, tikaŵaphaliranga uwemi wa kuchita upayiniya na kuteŵetera mu mpingo. Pasono ndivyo ŵakukhumba kuzakachita. Ŵana ŵithu ŵakutonda viyezgo vya mu charu cha Satana chifukwa ŵali na vilato vyauzimu ndipo ŵakukhumba kuvifiska. Maso ghawo ghali pa vinthu vyakuzirwa, kuteŵetera Yehova.” Mubali munyake uyo wali na ŵana ŵaŵiri wakalemba kuti: “Ŵapapi ŵanandi ŵakumalira nkhongono zawo na chuma chawo pa kovwira ŵana ŵawo kuti ŵatemwenge chomene maseŵero, vyakusanguluska, na masambiro. Kweni ŵapapi ŵangachita mwamahara para ŵangamalira nkhongono zawo na chuma chawo pakovwira ŵana ŵawo kuti ŵaŵe ŵabwezi ŵa Yehova. Ntchakukondweska chomene kuwona ŵana ŵithu ŵakufiska vilato vyawo vyauzimu, kweniso kuteŵetera nawo lumoza.” Tikugomezga kuti Chiuta watumbikenge ŵapapi awo ŵakovwira ŵana ŵawo kuti ŵafiske vilato vyauzimu.
KUŴA NA CHIKANGA MU MPINGO
17. Kasi mbanjani awo ŵakukhumbikwira chikanga mu mpingo?
17 Mu mpingo namo tikwenera kuŵa na chikanga. Ŵalara ŵakwenera kuŵa ŵachikanga pakweruzga nkhani zinyake mu mpingo, panji pakovwira awo ŵakukhumba wovwiri ku chipatala. Ŵalara ŵanyake ŵakuchitiska maungano ku jele na kusambira Baibolo na ŵakayidi. Ŵadumbu ŵambura kutengwa nawo ŵakukhumbikwira chikanga. Sono ŵadumbu ŵali na mwaŵi ukuru wakuti ŵasazgireko uteŵeti wawo. Ŵangachita
upayiniya, kusamukira uko kukhumbikwira wovwiri, ŵangateŵetera mu Dipatimenti Yakuwona vya Mapulani na Kuzenga, na kunjira Sukulu ya Ŵapharazgi ŵa Ufumu. Ŵanyake ŵangaluta ku Sukulu ya Giliyadi.18. Kasi ŵanakazi ŵalara ŵangalongora wuli chikanga?
18 Tikutumbikika chomene kuŵa na ŵanakazi ŵalara mu mpingo. Tikuŵatemwa chomene ŵadumbu aŵa. Ŵanyake ŵangachita vinandi yayi pakuteŵetera Chiuta nga umo ŵakachitiranga pakwamba. Kweni ŵachali kulongora chikanga na kuchita mulimo wa Chiuta. (Ŵerengani Tito 2:3-5.) Nyengo zinyake, mudumbu mulara wangakhumbikwira chikanga para wapempheka kuti wayowoye na mudumbu muwukirano pa nkhani ya kavwaliro. Iyo wakumukalipira yayi mudumu muwukirano pakumovwira, kweni wakumuchiska waka kuti waghanaghanirepo umo ŵanyake wangakhwaskikira na ivyo wakuvwara. (1 Tim. 2:9, 10) Chifukwa cha kumovwira mwachitemwa, vingawovwira kuti mudumbu uyu wasinthe.
19. (a) Kasi mubali wakubatizika wangalongora wuli chikanga? (b) Kasi lemba la Ŵafilipi 2:13 na 4:13 lingawovwira wuli ŵabali kuŵa na chikanga?
19 Ŵabali ŵakubatizika nawo ŵakwenera kulongora chikanga na kuchita mulimo wa Chiuta. Mpingo ukutumbikika chomene na ŵabali awo ŵakunwekera mulimo wa ulaŵiliri. (1 Tim. 3:1) Kweni ŵanyake ŵangagongowa kuchita nthena. Panyake mubali wangajiwona kuti ngwambura kwenelera kuŵa mteŵeti wakovwira panji mulara chifukwa cha ivyo wakachita kumanyuma. Mubali munyake wangawona kuti wangachita makora yayi milimo iyi. Usange ndimo mukujiwonera, Yehova wangamovwirani kuti muŵe na chikanga. (Ŵerengani Ŵafilipi 2:13; 4:13.) Kumbukani kuti Mozesi nayo nyengo yinyake wakajiwona kuti wangafiska yayi ntchito iyo Chiuta wakamupa. (Eks. 3:11) Kweni Yehova wakamovwira. Nyengo yikati yajumphapo, wakaŵa wachikanga ndipo wakafiska ntchito iyo wakapika. Mubali wakubatizika wakwenera kupempha Chiuta kuti wamupe chikanga. Wakwenera kulomba Chiuta kufumira pasi pa mtima na kuŵerenga Baibolo zuŵa lililose. Kweniso wakwenera kughanaghanira ŵateŵeti ŵa Chiuta ŵakumanyuma awo ŵakalongora chikanga. Wangapempha ŵalara kuti ŵamusambizge milimo, ndipo waŵe wakunozgeka kujipeleka pa nyengo iyo pakukhumbikwira wovwiri. Tikumupemphani ŵabali ŵakubatizika mose kuti muŵe ŵachikanga na kulimbikira kovwirapo pa ntchito iyo yikuchitika mu mpingo winu.
“YEHOVA . . . WALI NAWE”
20, 21. (a) Kasi Davide wakamusimikizgira vichi Solomoni? (b) Kasi ntchivichi chichitikenge para tikulongora chikanga?
20 Themba Davide likaphalira Solomoni kuti Yehova waŵenge nayo m’paka apo wamalirenge kuzenga tempile. (1 Mid. 28:20) Solomoni wakakhozgeka chomene na ivyo adada ŵake ŵakamuphalira. Nangauli wakaŵa mwana muchoko kweniso wambura kumanya vinandi, wakazomerezga yayi kuti ivi vimutondeske kuchita ntchito iyo wakapika. Wakalongora chikanga chikuru, ndipo wakaluta kukagwira ntchito. Yehova wakamovwira, ndipo wakazenga tempile likuru mu vyaka 7 na hafu.
21 Yehova wakamovwira Solomoni. Nase wangatovwira kuti tiŵe na chikanga na kuchita ntchito iyo wali kutipa mu banja lithu kweniso mu mpingo. (Yes. 41:10, 13) Para tikulongora chikanga apo tikusopa Yehova, tijiwonerenge tekha umo watitumbikirenge sono kweniso munthazi. Ntheura ‘khwimani mtima . . . na kuluta kukagwira ntchito.’
^ ndime 12 Mungasanga fundo zinyake izo zingamovwirani kuŵa na vilato vyauzimu mu Gongwe la Mulinda Lachicheŵa la Julayi 15, 2004, pa mutu wakuti “Khalani ndi Zolinga Zauzimu Kuti Mulemekeze Nazo Mlengi Wanu.”