ŴANTHU ŴANYAKE ŴAKUGOMEZGA kuti ŵanthu ndiwo ŵakambiska vyakuti tisopenge. Ŵanyake ŵakughanaghana kuti Chiuta wakugwiliskira ntchito chisopa kuti waguzire ŵanthu kwa iyo. Kasi imwe mukuti wuli?

IVYO BAIBOLO LIKUYOWOYA

Pali “kusopa kwakutowa na kwambura kufipiskika panthazi pa Chiuta, Dada withu.” (Yakobe 1:27) Chiuta ndiyo wakambiska kusopa kutuŵa panji kwaunenesko.

NI VICHI VINYAKE IVYO TIKUSAMBIRA MU BAIBOLO?

• Chisopa chikwenera kulondezga fundo za mu Baibolo kuti Chiuta wakondwe nacho.—Yohane 4:23, 24.

• Visopa ivyo vikwendera fundo za ŵanthu ni vyawaka.—Mariko 7:7, 8.

KASI MUNGATI WULI?

• Enya

• Yayi

• Kwali

IVYO BAIBOLO LIKUYOWOYA

“Tiyeni tighanaghaniranenge na kuchiskana kuti titemwanenge na kuchita milimo yiwemi. Tingalekanga yayi kuwungana pamoza.” (Ŵahebere 10:24, 25) Chiuta wakukhumba kuti ŵanthu awo ŵakumusopa ŵawunganenge pamoza.

NI VICHI VINYAKE IVYO TIKUSAMBIRA MU BAIBOLO?

• Awo ŵakusopa Chiuta pamoza ŵakwenera kugomezga vinthu vimoza.—1 Ŵakorinte 1:10, 11.

• Ŵanthu awo ŵali mu chisopa icho Chiuta wakukondwa nacho ŵakuŵa mu ubali wa pa charu chose.—1 Petrosi 2:17.