Ŵakugwiriskira Ncito Zina la Ciuta mu Vyaru Vyapakati pa Africa
Ŵakugwiriskira Ncito Zina la Ciuta mu Vyaru Vyapakati pa Africa
ŴANTU ŵanandi mu vyaru Vyapakati pa Africa ŵakugomezga kuti Ciuta waliko. Wakukayika yayi kuti ndiyo Mlengi wa vintu vyose. (Civumbuzi 4:11) Kweni, mwakuyana waka na ŵantu ŵa mu vyaru vinandi, iwo kanandi ŵakukhumba yayi kugwiriskira ncito zina lake—Yehova.
Ŵantu ŵa mu vyaru vya Pakati pa Africa, na ŵa mu vigaŵa vinyake vya caru, ŵakuyowoya za zina la Ciuta peneapo ŵakuti, “Litumbikike zina linu” mu Pempero la Fumu. (Mateyu 6:9) Kweni kwa nyengo yitali, mbantu ŵacoko waka awo ŵakumanya zina ili. Ndipouli, kwa virimika vinandi, ncito ya kupharazga makani ghawemi iyo yikucitika mwamwampu na Ŵakaboni ŵa Yehova yapangiska kuti ŵantu ŵanandi ŵamanye na kwamba kugwiriskira ncito zina la Ciuta. Mazuŵa ghano, zina la Ciuta ndakumanyikwa comene ndipo likugwiriskirika ncito mu viyowoyero vinandi vya mu Africa, nga ni Cizulu (uJehova), Ciyoruba (Jehofah), Cixhosa (uYehova) ndiposo Ciswahili (Yehova). Ndipouli, Mabaibolo ghanandi gha mu viyowoyero ivi ghakugwiriskira ncito cara zina la Ciuta.
Ciyerezgero ciwemi ca Baibolo ilo likugwiriskira ncito zina la Ciuta ni Baibolo la ciyowoyero ca Cizande, ico cikuyowoyeka mu vyaru vya Central African Republic, Sudan na Democratic Republic of Congo. Mu vyaru ivi, ŵantu ŵakugwiriskira ncito zina la Ciuta, ndipo mu ciyowoyero cawo ŵakulizunura kuti Yekova. Mwambura kupwererako kantu za umo zina la Ciuta likuzunurikira mu ciyowoyero cithu, nkhwakukhumbikwa comene kuligwiriskira ncito. Cifukwa wuli? Cifukwa “yose uyo wati wacemenge pa zina la Fumu [“Yehova,” NW] wazamuponoskeka.”—Ŵaroma 10:13.
[Mapu/Cithuzithuzi pa peji 32]
(Mu magazini yakusindikizga ndimo vikuwoneka makora)
SUDAN
CENTRAL AFRICAN REPUBLIC
DEMOCRATIC REPUBLIC OF CONGO
[Kulongosora Cithuzithuzi]
The Complete Encyclopedia of Illustration/J. G. Heck