Cakucitika Cakuzirwa Kuruska Vyose mu Mdauko

YIKAŴA nyifwa ya Yesu Kristu. Cifukwa wuli yikaŵa yakuzirwa nkanira? Pali vifukwa vinandi.

Kupulikira uko Yesu wakaŵa nako mupaka nyifwa yake, kukarongora kuti ŵantu ŵangakhalirira na umoyo wakugomezgeka kwa Ciuta.

Nyifwa ya Kristu yikapereka mwaŵi wakuti ŵantu ŵanyake ŵazakawuse pamoza nayo kucanya. Yikajuraso ntowa yakuti ŵanandi ŵazakaŵe na umoyo wamuyirayira mu paradiso pa caru capasi.

Pa usiku wakuti wakomekenge, Yesu wakagwiriskira ncito cingwa cambura cirungu na vinyo liswesi kwimira sembe yake. Ndipo wakaphalira ŵasambiri ŵake kuti: “Citani ici kuti mundikumbuke ine.” (Luka 22:19) Kasi muzamuŵapo pa cakucitika cakuzirwa ici?

Ŵakaboni ŵa Yehova ŵakumucemani mwawanangwa kuti muzakaŵe nawo apo ŵazamukumbukira nyifwa ya Yesu. Cirimika cino zuŵa lakucitira Cikumbusko ici mpa Cinayi, pa March 28, para dazi lanjira. Mungazakaruta pa Nyumba ya Ufumu iyo muli nayo pafupi. Conde fumbani Ŵakaboni ŵa Yehova awo ŵali kufupi na imwe kuti mumanye nyengo na malo gheneco.