Gongwe ili, Ndakusambira Nadi pa Mpingo!

Gongwe lakusambira pa mpingo, talisintha kawonekero mwakuti liŵe lakukopa comene kweniso kuti limovwirani pakusambira Mazgu gha Yehova agho ngakuzirwa comene.—Sal. 1:2; 119:97.

Pasono pajumpha vilimika vinayi kufuma apo tikambira kuŵa na ma Gongwe ghaŵiri, lakusambira pa mpingo na lakugaŵira.

Pakuyowoyapo za Gongwe lakusambira pa mpingo, mbali munyake uyo wateŵetera Yehova nyengo yitali, wakati: “Nkhati naŵazga Gongwe lakwamba lakusambira pa mpingo, nkhawona kuti ndiwemi na lakupulikikwa makora. Mazgu ghakunyang’amira ghauzimu ghakunjira makora mu mtima wane. Nkhumuwongani comene cifukwa ca Gongwe liphya ili.” Mbali munyake wakalemba kuti: “Nili wakunozgeka kumalira maora ghanandi kusambira Gongwe ili na kugwiliskira nchito Baibolo lane.” Tikugomezga kuti namwe mukakondwa mwakuyana waka.

Nga umo mukumanyira, Gongwe la Mulinda likamba kusindikizgika mu 1879, ndipo mzimu wa Yehova ndiwo ukovwira kuti mulimo uwu ulutilire. (Zek. 4:6) Mu vilimika 133 ivyo vyajumpha, kawonekero ka cikopi ca magazini iyi, kasinthapo kanandi waka. Gongwe lililose lakusambira pa mpingo la mu cilimika ca 2012, pa cikopi paŵenge cithuzithuzi cakulongora ŵanthu ŵakupharazga, ndipo cilato cake nkhutikumbuska za mulimo withu wa kucitira ukaboni mwakukwana vya Ufumu wa Yehova. (Mil. 28:23) Cithuzithuzi ici ciŵengeso pa peji 2, apo paŵenge mazgu ghakudumura ghakulongosora ivyo vikucitika na uko vikacitikira. Cithuzithuzi ici citikumbuskenge kuti ŵanthu ŵa Yehova ŵakupharazga makani ghawemi “ku mitundu yose.”—Mat. 24:14.

Kasi nchivici cinyake ico casintha mu magazini agha? Bokosi lakuweleramo liŵenge pakwambilira pa nkhani yiliyose yakusambira. Ici cizamovwira kuti pakunozgekera mumanye fundo zikuru izo musangenge mu nkhani iyo. Ndipouli, mafumbo agha ngakudumbiskana paumaliro wa Sambiro la Gongwe la Mulinda. Muwonengeso kuti mumphepete mwa ndime muli malo ghasaniko ndipo manambara gha mapeji na ndime ghakuwonekera makora.

Nga umo tiwonerenge mu magazini iyi, tiŵenge na cigaŵa ciphya cakuti “Kufuma mu Nthamba Yithu.” Cigaŵa ici cilongosorenge vinthu vyakuzirwa vyakukhwaskana na mdauko wa Ŵakaboni ŵa Yehova. Muŵengeso cigaŵa cakuti “Ŵakajipeleka na Mtima Wose,” ico cilongosorenge umo Ŵakhristu ŵanji ŵakacitira pakuteŵetera Ciuta. Mu nkhani izi, tiwonenge umo ŵabali na ŵadumbu ŵakakondweranga na kukhorwa apo ŵakateŵeteranga uko kukukhumbikwira ŵapharazgi ŵanandi ŵa Ufumu.

Mphanyi magazini iyi, yamovwirani kuti musangwe mwakukwana na nyengo iyo mukupatura kuti musambire Mazgu gha Ciuta.

Ŵapharazgi

[Cithuzithuzi pa peji 3]

1879

[Cithuzithuzi pa peji 3]

1895

[Cithuzithuzi pa peji 3]

1931

[Cithuzithuzi pa peji 3]

1950

[Cithuzithuzi pa peji 3]

1974

[Cithuzithuzi pa peji 3]

2008