‘Nkhaŵa nga Ndine Mulendo’
Kufuma mu Nthamba Yithu
‘Nkhaŵa nga Ndine Mulendo’
Ŵanthu ŵanandi mu Louisville, Kentucky, U.S.A., ŵakatindikika ŵati ŵawona kuti Charlotte White, uyo wakaŵa mupharazgi wanyengozose, wakuguguza sutikesi ya matayala.
MUKAŴA mu cilimika ca 1908, apo ŵanthu ŵa mu tawuni iyi ŵakatindikika na Mudumbu White cifukwa ca sutikesi yiphya iyo wakaguguzanga yakucemeka kuti Dawn-Mobile. Mudumbu uyu wakati: “Ŵanthu ŵanji ŵakamba kuyowoya za sutikesi iyi, ndipo ŵakaniwonanga nga ndine mulendo.”
Pa nyengo iyi, Ŵakaboni ŵa Yehova ŵakacemekanga kuti Ŵasambiri ŵa Baibolo, ndipo ŵakawona kuti ŵakukhumbikwira kuphalirako ŵanji unenesko uwo ŵakasambiranga mu Malemba. Ŵanandi ŵakasambira unenesko kwizira mu mabuku ghakucemeka kuti Millennial Dawn (agho pamanyuma ghakacemekangaso kuti Studies in the Scriptures). Ŵakhristu awo ŵakajipelekanga ŵakendanga mitunda yitali mu misumba, na mu mizi kukagaŵira mabuku agha ku ŵanthu ŵakunweka.
Mu 1908, Mudumbu White na ŵapharazgi ŵanji ŵamwamphu ŵakeneranga kugaŵira buku ili pa cakupeleka ca $1.65 (U.S.). M’malo mwa kupelekerathu mabuku agha paulendo wakwamba, ŵakalembanga waka mazina gha awo ŵakughakhumba na kuzakaŵapa pamanyuma, ndipo kanandi ŵakapelekeranga pa zuŵa la malipiro mwakuti ŵanthu ŵapelekepo ndalama yicoko waka yakusindikizgira. Wakususka munyake wakadandawura cifukwa ca ucoko wa ndalama izo ŵanthu ŵakapelekangapo para ŵapokera mabuku agha.
Sabata yiliyose, Malinda Keefer wakanyamuliranga ŵanthu mabuku kwambira pa 200 mpaka pa 300. Pakuti ŵanandi ŵakamba kunweka na mabuku agha, pakakhumbikwiranga nthowa yipusu yakunyamulira. Voliyumu ya nambara 6 yekha yikaŵa na mapeji 740. Gongwe la Mulinda linyake likati, mabuku 50, uzito wake ukaŵanga makilogiramu 18, ntheura cikaŵanga cipusu yayi kunyamura mabuku ghanandi, comenecomene ku ŵadumbu.
Pakupepuska suzgo ili, Mbali James Cole wakapanga cinthu cinyake ca matayala ghaŵiri ico ŵakabatikangapo sutikesi. Mbali uyu wakati: “Sono mabuku ghakuniphyoraso yayi.” Pa ungano wa Ŵasambiri ŵa Baibolo uwo ukacitika mu 1908 ku Cincinnati, Ohio, mbali uyu wakalongosora za sutikesi iyi ndipo ŵabali ŵakakondwa nayo. Mumphepete mwa sutikesi iyi, mukaŵa mazgu ghakuti Dawn-Mobile, cifukwa ŵakanyamurangamo mabuku ghakusambizgira Baibolo gha Millennial Dawn. Para munthu wayizgoŵera, cikaŵanga cipusu kunyamura sutikesi iyi yeneiyo mukaŵanga mabuku ghanandi, mwakuti wakaguguzanga na woko limoza. Munthu wakasinthanga vyakuguguzira mwakuyana na msinkhu wake, ndipo matayala ghake ghakendanga pa msewu uliwose. Para mabuku ghamaramo, matayala ŵakaghapindiranga mumphepete mwa sutikesi kuti ŵayeghe makora kwali ŵendenge pasi kwali pa galimoto.
Ŵadumbu awo ŵakaŵa mu uteŵeti wanyengozose, ŵakapikanga sutikesi iyi kwambura kulipira. Kweni mtengo wake ukaŵa $2.50 (U.S.). Mudumbu Keefer, wakayizgoŵera comene sutikesi iyi, mwakuti wakaguguzanga na woko limoza uku ku woko linyake wayegha cikwama ca mabuku. Mudumbu uyu wakendanga maulendo ghatatu panji ghanayi kukapelekera mabuku mu tawuni yinyake ya mu Pennsylvania, U.S.A., cifukwa wakasanga ŵanthu ŵanandi ŵakunweka.
Ca mu 1987, payiloti munyake wakapanga cikwama ca matayala, ndipo pasono vikwama vya mtundu uwu vyazara comene. Nangauli vikwama ivi vikuzara sono, kweni ndivyo Ŵasambiri ŵa Baibolo ŵakagwiliskiranga nchito pakuseŵa mbuto zaunenesko wa mu Baibolo pafupifupi vilimika 100 ivyo vyajumpha, ndipo ŵanthu ŵakatindikikanga para ŵakuviwona.
[Mazgu Ghakukhozgera pa peji 32]
Mudumbu Keefer kanandi wakendanga maulendo ghatatu panji ghanayi pa zuŵa kukapelekera mabuku
[Mazgu Ghakukhozgera pa peji 32]
Sutikesi yikawovwira pakukagaŵira mabuku gha Dawn
Panji Mungatemwa Kuŵerengaso Nkhani Izi
GONGWE LA MULINDA—LAKUSAMBIRA PA MPINGO
Umo Mbuto Zakwamba za Ufumu Zikaseŵekera ku Portugal
Kasi ni masuzgo wuli agho ŵapharazgi ŵa Ufumu ŵakwambilira ŵakatonda ku Portugal?
GONGWE LA MULINDA—LAKUSAMBIRA PA MPINGO
Nkhani Zachisanisani Zikathandazga Unenesko mu Ireland
Ntchivichi chikawovwira Mubali C. T. Russell kugomezga kuti “vuna yacha kale kuti yivunike”?
GONGWE LA MULINDA—LAKUSAMBIRA PA MPINGO
“Kasi Ungano Unyake Tiŵenge Nawo Pawuli?”
Chifukwa wuli ungano wa chigaŵa mu 1932, uwo pakiza ŵanthu ŵachoko waka mu tawuni ya Mexico ukaŵa wapadera?
GONGWE LA MULINDA—LAKUSAMBIRA PA MPINGO
“Nkhongono Zikakwera Ndipo Ŵakamba Kulimbikira Chomene Kupharazga”
Pamanyuma pa ungano wa chigaŵa uwo ukachitika mu 1922, kasi Ŵasambiri ŵa Baibolo ŵakachita wuli na ulongozgi wakuti ‘ŵapharazge Themba na Ufumu wake’?
GONGWE LA MULINDA—LAKUSAMBIRA PA MPINGO
“Palije Msewu Uheni Chomene Panji Malo Ghakutali Chomene”
Kuumaliro kwa m’ma 1920 kweniso kukwambilira kwa m’ma 1930, ŵapayiniya ŵakalimbikira chomene kupharazga makani ghawemi gha Ufumu wa Chiuta mu malo ghakutali gha charu cha Australia.
GONGWE LA MULINDA—LAKUSAMBIRA PA MPINGO
“Wukani! Imwe Ŵapharazgi ŵa Ufumu ŵa ku Britain”
Chiŵelengero cha Ŵapharazgi ŵa Ufumu chikakwera chomene yayi ku Britain kwa vyaka 10. Kasi ntchivichi chikasintha vithu?
