Cigaŵa ca Ŵanyamata na Ŵasungwana

Gegani Mendezgano Ghaheni

Ulongozgi: Khalani pa malo ghambura congo apo mukuŵazga na kuzgora mafumbo. Apo mukuŵazga malemba, muŵe nga muli lumoza na ŵanthu ŵa mu nkhani iyo mukuŵazga. Muŵe nga mukuwona ivyo vikucitika. Pulikani mazgu. Jipulikani nga umo ŵanthu ŵa mu nkhani iyo mukuŵazga ŵakajipulikiranga. Ivyo vikacitika mu nkhani iyo muviwone nga kuti vikucitika sono.

Ŵanthu ŵa mu nkhani iyi: Dina, Shekemu, Yakobe, Simeone, na Levi

Mwakudumura: Shekemu wakacicizga Dina kugona nayo, ndipo ŵadumbu ŵake ŵakakwiya comene ndipo ŵakawezgera.

1 SANDANI CAKUCITIKA.​—ŴAZGANI GENESIS 34:1-31.

Kasi ukughanaghana kuti Dina wakacitanga vici na ŵanyake ŵa ku Kenani?

․․․․․

Kasi ukughanaghana kuti Shekemu wakamukopa wuli Dina apo “wakayowoyanga nayo makora makora”?

․․․․․

Kasi ukughanaghana kuti mazgu gha pa vesi 30 ghakulongora kuti Yakobe wakajipulika wuli?

․․․․․

2 LANGULUKANIPO COMENE.

Kasi ukughanaghana kuti nchifukwa wuli Dina wakacezganga comene na ŵasungwana ŵa ku Kenani? (Mwaciyelezgero, kasi wose ŵakatemwanga vici? Kasi wakasanga vici ku ŵanthu wa ku Kenani ico kukaŵavya ku nyumba kwawo?)

․․․․․

Kasi Shekemu wakaŵa na nkharo wuli iyo yikwenera kuti yikamukopa Dina? (Ŵazganiso mavesi 3, 12, na 19.)

․․․․․

 Kasi Baibolo likulongora wuli kuti Dina wakakhumba yayi kugonana na Shekemu? (Ŵazganiso vesi 2.)

․․․․․

Kasi ukughanaghana kuti cikaŵa cakwenelera kuti Simeone na Levi ŵawezgere mwa kukoma ŵanthu wose ŵa mu msumba wa Shekemu? Cifukwa wuli?

․․․․․

3 LONDEZGANI IVYO MWASAMBIRA. LEMBANI IVYO MWASAMBIRA VYAKUKHWASKANA NA . . .

Kuzirwa kwa kusankha ŵabwezi mwamahara.

․․․․․

Kuzirwa kwa kujikora, nanga ni para mwakwiya pa cifukwa cakwenelera.

․․․․․

UMO MUNGAGWILISKILIRA NCHITO FUNDO IZI.

Kasi ungacita vici kuti ugege ŵanthu awo ŵakusulako fundo za Ciuta, awo ŵangakucicizga kugonana nawe?

․․․․․

4 NCHIGAŴA WULI CA NKHANI IYI ICO CAMUKHWASKANI COMENE, NDIPO CIFUKWA WULI?

․․․․․

Usange mulije Baibolo pemphani Ŵakaboni Ŵa Yehova panji ŵazgani pa Intaneti, pa adiresi iyi: www.pr418.com