Cigaŵa ca Ŵanyamata na Ŵasungwana

Ŵakamupusikizgira

YOSEFE—CIGAŴA 2

Ulongozgi: Khala pa malo ghambura congo apo ukuŵazga na kuzgora mafumbo agha. Apo ukuŵazga malemba, uŵe nga uli lumoza na ŵanthu ŵa mu nkhani iyo ukuŵazga. Uŵe nga ukuwona ivyo vikucitika. Pulika mazgu. Jipulika nga umo ŵanthu ŵa mu nkhani iyo ukuŵazga ŵakajipulikiranga. Ivyo vikacitika mu nkhani iyo uviwone nga kuti vikucitika sono.

Ŵanthu ŵa mu nkhani iyi: Yosefe, Potifara, na muwoli wa Potifara

Mwakudumura: Yosefe wakaŵikika mu jele kwambura mulandu, kweni Yehova wakaŵa nayo.

1 SANDA CAKUCITIKA—ŴAZGA GENESIS 39:7, 10-23.

Kasi ukughanaghana kuti mazgu gha muwoli wa Potifara ghakulongora kuti wakajipulika wuli apo wakapusikizgiranga Yosefe?

․․․․․

Kasi ukughanaghana kuti jele likaŵa wuli?

․․․․․

Kasi ukughanaghana kuti jele likaŵa wuli?Kasi ukughanaghana kuti Yosefe ŵakacita nayo wuli wakati wafika ku jele? (Ico cingakovwira: Wona Salmo 105:17, 18.)

․․․․․

2 LANGULUKAPO COMENE.

Yosefe waŵenge na cipulikano cakulopwa, kasi mphanyi wakaŵa na maghanoghano wuli ghaheni pa nyengo iyo wakaŵa mu jele? (Ico cingakovwira: Wona Job 30:20, 21.)

․․․․․

Kasi tikumanya wuli kuti Yosefe wakaghanaghanapo yayi kuti Yehova ndiyo wakapangiska kuti wasuzgikenge? (Ico cingakovwira: Wona Genesis 40:8; 41:15, 16.)

․․․․․

Ukughanaghana kuti ni mikhaliro wuli iyo yikawovwira Yosefe kuti wazizipizge masuzgo apo wakaŵikika mu jele kwambura cifukwa? (Ico cingakovwira: Ŵazga na kughanaghanirapo pa malemba agha: Mika 7:7; Luka 14:11; Yakobe 1:4.)

․․․․․

 Kasi Yosefe wakasambira vici apo wakaŵa mu jele, ndipo ivyo wakasambira vikamovwira wuli pamanyuma pake? (Ico cingakovwira: Wona Genesis 39:21-23; 41:38-43.)

․․․․․

3 LONDEZGA IVYO WASAMBIRA. LEMBA IVYO WASAMBIRA VYAKUKHWASKANA NA . . .

Vyandulo ivyo ŵakusanga awo ŵakuŵa ŵakugomezgeka panyengo ya viyezgo.

․․․․․

Ivyo ungasambira para ukuyezgeka.

․․․․․

Yehova wakovwira panyengo ya viyezgo.

․․․․․

UMO UNGAGWILISKIRA NCHITO FUNDO IZI.

Kasi nawe uli kukumanapo na masuzgo agho ghakakutambuzga comene ndipo ghakakupangiska kujiwona kuti wajowoleka? Panyengo iyo ukayezgekanga, kasi Yehova wakwenera kuti wakakovwira wuli? (Ico cingakovwira: Ŵazga na kughanaghanirapo pa 1 Ŵakorinte 10:13.)

․․․․․

4 NCHIGAŴA WULI CA NKHANI IYI ICO CAKUKHWASKA COMENE, NDIPO CIFUKWA WULI?

․․․․․

Usange Ulije Baibolo Pempha Ŵakaboni ŵa Yehova Panji Ŵazga pa Intaneti, Pa Adiresi iyi: www.pr418.com