Kasi Yesu Mukumuwona Wuli?

Para mwapulika vya Yesu, kasi mu maghanoghano ghinu mukwiza vya kabonda, munthu uyo wakaŵa pafupi kufwa panji nga ni Themba la kucindikika?

Baibolo likuvumbura kuti Yesu ni Themba lankhongono. Kasi imwe mukukhwaskika wuli na fundo iyi?

Ŵanandi ŵakugomezga kuti Yesu wakaŵafwira. Kweni kasi vingacitika wuli kuti nyifwa ya munthu yumoza iyo yikacitika vilimika pafupifupi 2,000 ivyo vyajumpha yiwovwire ŵanthu kusanga umoyo sono?

Mukucemeka kuti muzakategherezge mazgoro gha mafumbo agha kufuma mu Malemba. Mafumbo agha ghazamuzgoreka pa nyengo iyo Ŵakaboni ŵa Yehova ŵazamuwungana kuti ŵakumbukire nyifwa ya Yesu. Cilimika cino, Cikumbusko ca Nyifwa ya Yesu cizamucitika pa Cinayi, Epulero 5, para dazi lanjira.

Kuti mumanye nyengo na malo mungafumba Ŵakaboni ŵa Yehova ŵa mu cigaŵa cinu.

Para Cikumbusko ca Nyifwa ya Yesu cacitika, sabata yakulondezgapo Ŵakaboni ŵa Yehova ŵazamuŵa na nkhani yakukondweska comene yakufuma mu Baibolo ya mutu wakuti “Kasi Uli Pafupi Comene Kuluska umo Mukughanaghanira?” Nkhani iyi yizamuŵa yapadera pa caru cose na cilato ca kovwira ŵanthu wose awo ŵakutemwa unenesko ndipo ŵakukhumba kusambira vinandi vyakukhwaskana na Yesu. Ntheura, mukucemeka kuti muzakaŵepo.