Magazini iyo mukuŵazga yikamba kusindikizgika mu Julayi 1879. Kufuma pa nyengo iyo, nyengo zasintha ndipo magazini iyi nayo yasintha. (Wonani vithuzithuzi ivyo vili pacanya apa.) Kwamba na magazini iyi, muwonenge kuti vinthu vinyake vyasintha mu Gongwe la Mulinda. Kasi ni vinthu wuli ivyo vyasintha?

Mu vyaru vinandi, ŵanthu ŵanandi ŵakutemwa kupenja vinthu pa intaneti ndipo ŵakuwona kuti iyi ni nthowa yipusu comene. Para ŵadofya waka malo ghanyake pa intaneti ŵangaŵazga vinthu vinandi ivyo vikusangika pa Intaneti pera. Pa Intaneti ŵanthu ŵangaŵazgapo vinthu ivyo vili mu mabuku, magazini na manyuzipepara.

Pakuti ŵanthu ŵanandi ŵakutemwa kuŵazga vinthu pa Intaneti, sonosono apa tasintha Webusayiti yithu ya www jw.org kuti yiŵe yakukopa kweniso kuti ciŵe cipusu kuyigwiliskira nchito. Ŵanthu awo ŵajurenge Webusayiti iyi ŵangaŵazga mabuku agho ghakusangika mu viyowoyero vyakujumpha 430. Kwambira na Gongwe ili, ŵanthu awo ŵakujura Webusayiti yithu iyi ŵangaŵazga nkhani zinyake izo nyengo zose zikaŵanga mu magazini izo pasono ziŵenge pa Webusayiti iyi pera. *

Pakuti sono nkhani zinandi ziŵikikenge pa Intaneti pera, ntheura kwambira na Gongwe la Mulinda lakugaŵira ili, mapeji ghacepengeko. Pakwamba ghakaŵa 32 sono ghaŵenge 16. Pasono Gongwe ili likung’anamulika mu viyowoyero 195. Kweni pakuti magazini iyi yiŵenge yifupiko, ciŵenge cipusu kuti ying’anamulikenge mu viyowoyero vinandiko comene.

Tili na cigomezgo kuti cifukwa ca kusintha uku, ŵanthu ŵanandi ŵapulikenge uthenga wakuponoska umoyo wa mu Baibolo. Taŵikapo mtima kuti tilutilire kupharazga uthenga wakukondweska kweniso wakungweluska ku ŵanthu awo ŵakutemwa Baibolo na awo ŵakukhumba kumanya ivyo likusambizga, kwizira mu magazini na pa intaneti.

Ŵapharazgi