Mafumbo gha Baibolo Ghazgoleka
Kasi Ciuta zina lake ninjani?
Ŵamumbumba yithu wose ŵali na mazina. Kasi cingaŵa cakupulikikwa yayi kuti Ciuta nayo waŵe na zina? Mu Baibolo Ciuta wali na mazina ghanandi gha vithokozo, nga ni Ciuta wankhongonozose, Fumu Yacilengiwa cose, Mlengi, kweni waliso na zina lake ladininini.—Ŵazgani Yesaya 42:8.
Mu Mabaibolo ghanandi zina la Ciuta likusangika pa Salmo 83:18. Mwaciyelezgero, mu Baibolo la Citumbuka lifupi vesi ili likuti: “Mwaŵeneimwe zina linu ndi Yehova, ndimwe Wapacanyapose mu vyaru vyose.”
Cifukwa wuli tikwenera kuzunura zina la Ciuta?
Ciuta wakukhumba kuti tilizunurenge zina lake. Para tikucezga na ŵabwezi ŵithu tikuŵazunura mazina usange ŵatiphalira kucita nthena. Asi ndimo vikwenera kuŵiraso para tikuyowoya na Ciuta? Nakuti Yesu Khristu wakaticiska kuti tilizunurenge zina la Ciuta.—Ŵazgani Mateyu 6:9; Yohane 18:26.
Ndipouli, kuti tiŵe ŵabwezi ŵa Ciuta, tikwenera kumanya vinandi kuluska kumanya waka zina lake. Mwaciyelezgero, kasi Ciuta ngwamtundu wuli? Kasi vingacitika nadi kuti tiŵe paubwezi na Ciuta? Mazgoro gha mafumbo agha mungaghasanga mu Baibolo.
Panji Mungatemwa Kuŵerengaso Nkhani Izi
VISAMBIZGO VYAKUZIRWA VYA MU BAIBOLO
Kasi Chiuta Wali na Zina?
Chiuta wali na mazina ghanandi gha udindo, iyo ni Chiuta Wankhongonozose, Mlengi na Fumu. Kweni zina la Chiuta likusangika m’malo ghakukwana 7,000 mu Baibolo.
MAFUMBO AGHO BAIBOLO LIKUZGORA
Kasi Chiuta Wali na Mazina Ghalinga?
Ŵanthu ŵanyake ŵakughanaghana kuti mazina ghanyake gha Chiuta ni ‘Allah,’ ‘Alefa na Omega,’ ‘El Shaddai,’ na ‘Yehova-yire.’ Kasi nkhani ya zina la Chiuta njakuzirwa?
MAFUMBO AGHO BAIBOLO LIKUZGORA
Kasi Zina la Chiuta ni Yesu?
Yesu wakayowoyapo yayi kuti ni Chiuta Wankhongonozose. Chifukwa wuli?
