Mafumbo gha Baibolo Ghazgoleka
Kasi Vingacitika Kuti Tipulikiske Baibolo?
Baibolo ni Mazgu gha Ciuta. Lili nga ni kalata yakufuma kwa dada wacitemwa. (2 Timote 3:16) Mu Baibolo Ciuta wakutilongosolera ivyo tingacita kuti timukondweske, cifukwa ico wazomerezgera viheni, kweniso ivyo wazamucitira ŵanthu munthazi. Kweni ŵasambizgi ŵavisopa ŵabendezga ivyo Baibolo likusambizga, ntheura ŵanandi ŵakughanaghana kuti ŵangalipulikiska yayi.—Milimo 20:29, 30.
Kweni Yehova Ciuta wakukhumba kuti timanye unenesko wakukhwaskana na iyo. Lekani watipa buku ilo tingalipulikiska.—Ŵazgani 1 Timote 2:3, 4.
Kasi mungacita wuli kuti mupulikiske Baibolo?
Padera pakutipa Baibolo, Yehova wakutovwira kuti tilipulikiske. Wakatuma Yesu kuti watisambizge. (Luka 4:16-21) Yesu wakawovwira ŵategherezgi ŵake kuti ŵapulikiske Malemba, wakazunuranga vesi na kuliyaniska na ghanyake.—Ŵazgani Luka 24:27, 32, 45.
Yesu wakakhazikiska mpingo Wacikhristu kuti ulutizge mulimo uwo wakawuyamba. (Mateyu 28:19, 20) Mazuŵa ghano, ŵalondezgi wanadi ŵa Yesu ŵakovwira ŵanthu kuti ŵapulikiske ivyo Baibolo likusambizga vyakukhwaskana na Ciuta. Usange mukukhumba kupulikiska Baibolo, Ŵakaboni ŵa Yehova ŵazamuŵa ŵakukondwa kumovwirani.—Ŵazgani Milimo 8:30, 31.
Panji Mungatemwa Kuŵerengaso Nkhani Izi
GONGWE LA MULINDA
Wovwiri Uwo Ulipo Kuti Mupulikiske Baibolo
Usange Baibolo lili kulembeka munthowa yakuti mungapulikiska, chifukwa wuli mungakhumbikwiraso wovwiri?
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
MAFUMBO AGHO BAIBOLO LIKUZGORA
Kasi Mungachita Wuli Kuti Mupulikiskenge Baibolo?
Waliyose wangalipulikiska Baibolo, kwali wali kukulira nkhu panji ngwa mtundu wuli.
MANYANI VYA ISE
Chifukwa Wuli Mukwenera Kusambira Baibolo?
Baibolo likuzgora mafumbo ghakuzirwa gha ŵanthu ŵanandi pa charu chose. Kasi mukukhumba kuti mafumbo ghinu ghazgoreke?
