MUŴENGE MASO!
Kasi Ninjani Uyo Mungamugomezga?—Kasi Baibolo Likuti Wuli?
Ŵanthu ŵakukhuŵara usange ŵanthu awo mbakuti ŵakuŵagomezga ŵaŵakolezga libwe. Ŵanandi ŵaleka kugomezga . . .
ŵalongozgi ŵandyali awo ŵakudangizga vyakukhumba vyawo m’malo mwa ŵanthu.
ŵamutora makani awo ŵakutondeka kuyowoya nkhani mwaunenesko.
ŵasayansi awo ŵakutondeka kuchita vinthu vyakovwira ŵanthu.
ŵalongozgi ŵa visopa awo ŵakukhozgera ŵandyali m’malo mwakwimira Chiuta.
Ntheura ntchakwenelera kuti ŵanthu ŵakwenera kuŵa maso na ŵanthu awo ŵakuŵagomezga. Baibolo likuchenjezga kuti:
“Ungathembanga ŵakaronga yayi panji mwana wa munthu, mweneuyo wangaponoska yayi.”—Salimo 146:3.
Uyo mukwenera kumugomezga
Baibolo likuyowoya za munthu uyo mukwenera kumugomezga: Munthu uyu ni Yesu Khristu. Iyo wakaŵa munthu muwemi uyo wakaŵako vyaka vinandi ivyo vyajumpha. Chiuta ndiyo wali kwimika Yesu kuŵa “Themba . . . , ndipo Ufumu wake uzamumara chara.” (Luka 1:32, 33) Yesu ndiyo ni Themba la Ufumu wa Chiuta, uwo ni boma ilo pasono likuwusa kuchanya.—Mateyu 6:10.
Kuti mumanye chifukwa icho mukwenera kugomezgera Yesu, ŵazgani nkhani ya mutu wakuti “Kasi Fumu ya Ufumu wa Chiuta Ni Njani?” na yakuti “Kasi Ufumu wa Chiuta Uzamufiska Vichi?”