MUŴENGE MASO!
Kasi Viphalizgano vya Olympics Vingawovwira Nadi Kuti Ŵanthu Ŵaŵe Ŵakukolerana?—Kasi Baibolo Likuti Wuli?
Mu nyengo ya viphalizgano vya Olympics vya mu 2024, ŵanthu pafupifupi 5 biliyoni ŵawonelerenge ŵanthu awo ŵachitengeko viphalizgano ivi awo ŵafuma mu vyaru vyakupambanapambana 206. Thomas Bach uyo ni pulezidenti wa Komiti ya pa Charu Chose Yakulaŵilira Chiphalizgano ichi wakayowoya kuti: “Nase tili chigaŵa cha vyakuchitika ivyo vikovwira kuti ŵanthu ŵaŵe ŵakukolerana pa charu chose. Tiyeni tikondwere mwamtende nga munthu yumoza panyengo ya viphalizgano iyi nangauli tingaŵa kuti ndise ŵakupambana.”
Kasi viphalizgano ivi vingawovwira nadi kuti ŵanthu ŵaŵe ŵakukolerana? Kasi pali chigomezgo chilichose kuti ŵanthu ŵangaŵa pa mtende na kukolerana?
Kasi vingiziska nadi mtende na kukolerana?
Viphalizgano vya chaka chino ni viphalizgano waka yayi. Viphalizgano ivi vikukhwaskaso chomene kakhaliro na ndyali ivyo vikugaŵaniska chomene ŵanthu. Vinthu ivi vikusazgapo wanangwa wa ŵanthu, kusankhana mitundu, kusankhana chifukwa cha kupambana visopa kweniso kuchita vinthu vyakutemwera.
Maseŵero gha pa charu chose nga viphalizgano ivi, vikovwira kuti ŵanthu ŵakondwenge. Ndipouli, pa vyakuchitika ivi ŵanthu ŵakujiwoneska ivyo vikupangiska kuti ŵanthu ŵagaŵikanenge m’malo mwakovwira kuti ŵanthu ŵaŵe ŵakukolerana na kuŵa pa mtende.
Baibolo likayowoyerathu nkharo izo ŵanthu ŵali nazo mazuŵa ghano izo zikupangiska kuti chiŵe chakusuzga chomene kuti ŵanthu ŵaŵe ŵakukolerana. (2 Timote 3:1-5) Kuti mumanye vinandi pa nkhani ya uchimi wa mu Baibolo uwu, ŵazgani nkhani ya mutu wakuti “Kasi Baibolo Likayowoyerathu Umo Ŵanthu Ŵazamughanaghaniranga na Kuchita Vinthu Mazuŵa Ghano?”
Chilindizga cheneko cha mtende na kukolerana pa charu chapasi
Baibolo likutiphalira za chigomezgo cheneko cha mtende na kukolerana pa charu chapasi. Likulayizga kuti ŵanthu wose pa charu chapasi ŵazamuŵa ŵakukolerana pasi pa “Ufumu wa Chiuta” uwo ni boma la kuchanya.—Luka 4:43; Mateyu 6:10.
Fumu ya Ufumu uwu uyo ni Yesu Khristu yizamwiziska mtende pa charu chose chapasi. Baibolo likuti:
“Ŵarunji ŵazamutikitira, ndipo kuzamuŵa mtende wakuzara.”—Salimo 72:7.
“Wazamuthaska mukavu uyo wakulilira wovwiri . . . Wazamuŵathaska ku kuyuzga na nkhaza.”—Salimo 72:12, 14.
Nanga ni mazuŵa ghano visambizgo vya Yesu vyawovwira ŵanthu mamiliyoni ghanandi kufuma mu vyaru 239 kuti ŵaŵe ŵakukolerana. Ŵakaboni ŵa Yehova pa charu chose ŵasambira kuŵa ŵanthu ŵa mtende. Kuti mumanye ivyo vyawovwira, ŵazgani Gongwe la Mulinda la mutu wakuti “Ivyo Tingachita Kuti Timazge Thinkho.”
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Chigomezgo Ningachisanga Nkhu?
Pali chinthu chinyake icho chingamovwirani chomene kusintha umoyo winu pasono na kumupani chigomezgo chiwemi chamunthazi.
VISAMBIZGO VYAKUZIRWA VYA MU BAIBOLO
Kasi Ufumu wa Chiuta Ni Vichi?
Pa uteŵeti wake wa pa charu chapasi, Yesu wakapharazga chomene vya Ufumu wa Chiuta. Kwa vyaka vinandi, ŵalondezgi ŵake ŵalutilira kulomba kuti Ufumu uwu wize.
NKHANI ZINYAKE
Chigomezgo Chakuti Kunthazi Vinthu Vizamusintha
Chifukwa wuli ivyo Baibolo likulayizga vikupambana chomene na ivyo ŵanthu ŵakulayizga panji kuyowoyerathu?
MAFUMBO AGHO BAIBOLO LIKUZGORA
Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?
Manyani ivyo boma la Chiuta lizamuchita kuti pa charu chapasi paŵe mtende.
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
