Kuyana na ivyo Catholic News Service yikalemba, pa ungano wa ku St. Peter’s Basilica uwo ukaŵako pa March 25, 2022, Papa Francis wakimilira pafupi na chikozgo cha Mariya “wakajara maso ghake, kusindama na kwamba kulomba cha mu mtima.” Papa “wakaŵeyeleranga Mariya” kuti kuŵe mtende. Nyuzipepara ya Vatican yikatiso “Papa wakalombanga kwa Mariya Mutuŵa kuti waŵape ŵanthu mtima walusungu, chomene ŵanthu ŵa ku Russia na Ukraine.”

 Kasi mukuwona wuli? Ntchakwenelera nthena kulomba ku vikozgo panji kuvigwiliskira ntchito pa kusopa? Ghanaghaniranipo mavesi ghakulondezgapo agha gha mu Baibolo:

•   “Ungajipangiranga chikozgo chakuŵaja chara panji chinthu chilichose chakukozgana na ivyo vili mu mtambo kuchanya panji pa charu chapasi panji ivyo vili mu maji pasi pa charu. Ungavisindamiranga chara nesi kunyengeka kuti uviteŵetere, chifukwa ine Yehova Chiuta wako, ndine Chiuta uyo wakukhumba kuti ŵanthu ŵasopenge iyo pera.”—Ekisodo 20:4, 5. a

•   “Ŵangoza ŵawo ni siliva na golide, mulimo wa mawoko gha ŵanthu. Mulomo ŵali nawo kweni ŵakuyowoya yayi, maso, kweni ŵakuwona chara. Makutu ŵali nagho kweni ŵakupulika chara,mphuno, kweni ŵakunuska chara. Mawoko ŵali nagho kweni ŵakukora chara, malundi, kweni ŵakwenda chara. Ŵakufumiska chara mazgu pa chigolomiro chawo. Ŵanthu awo ŵakuŵapanga ŵaŵenge nga ndiwo, na wose awo ŵakuŵathemba.”—Salimo 115:4-8.

•   Ine ndine Yehova. Ili ndilo zina lane, uchindami wane nkhupeleka kwa munyake chara, panji malumbo ghane ku vikozgo vyakuŵaja.”—Yesaya 42:8, mazgu ghamusi

•   “Chimbirani kusopa vikozgo.”—1 Ŵakorinte 10:14.

•   “Kanani vikozgo.”—1 Yohane 5:21.

 Kuti mumanye vinandi vyakukhwaskana na ivyo Baibolo likuyowoya pa nkhani ya kugwiliskira ntchito vikozgo pakusopa, ŵazgani nkhani yakuti “Zimene Baibulo Limanena Zifaniziro” panji wonelerani vidiyo yakuti, Kasi Chiuta Wakuzomerezga Kugwiliskira Ntchito Vikozgo Pakumusopa?

 Panji mungatemwa kumanya vinandi vya ivyo Baibolo likuyowoya pa nkhani izi:

•   “Kasi Baibolo Likusambizgachi vya Mariya Virigo?”

•   “Kodi Kupemphera kwa Mariya Virigo N’koyenera?”

•   “Miracles and Apparitions—Signs From God?”

•   “Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?”

Photo credit: Vincenzo Pinto/AFP via Getty Images