MUŴENGE MASO!
Viwawa vya Ndyali—Kasi Baibolo Likuti Wuli?
Nkhaza izo ŵanthu ŵakuchitirana chifukwa cha ndyali zatora malo chomene pa charu chose chapasi.
Ku Mexico mu nyengo ya visora vya 2023-2024, chiŵelengero cha ŵandyali awo wakomeka chafika pa 39. Kweniso pali nkhaza zakupambanapambana izo ŵanthu ŵakuchitirana pa vifukwa vya ndyali.
Ku Europe nako kwachitika nkhaza zinandi chomene pa vifukwa vya ndyali, mwakuti pa May 15, 2024 ŵakakhumbanga kukoma prime minister wa ku Slovakia.
Ku United States viwawa vili mukati chifukwa cha munthu munyake uyo wakakhumbanga kukoma pulezidenti wakale Donald Trump pa July 13, 2024.
Chifukwa wuli ŵandyali ŵakuchitirana nkhaza nthena? Kasi nkhaza izi zizamumara? Kasi Baibolo Likuti Wuli?
Kugaŵikana Chifukwa cha Ndyali Kukayowoyekerathu
Baibolo likayowoyerathu kuti mu nyengo yithu iyi, iyo yikumanyikwa kuti “mazuŵa ghaumaliro,” ŵanthu ŵanandi ŵazamuŵa ŵa nkhaza kweniso ŵakwambiska mphindano.
“Mu mazuŵa ghaumaliro kuzamuŵa nyengo zinonono na zakusuzga. Pakuti ŵanthu ŵazamuŵa . . . ŵambura kuwonga, ŵambura kugomezgeka, . . . ŵanonono, . . . ŵakofya, . . . ŵakwendera mphiska, ŵakajilangi, ŵakujitukumura.—2 Timote 3:1-4.
Kweniso Baibolo likayowoyerathu kuti mu nyengo yithu iyi kuzamuŵa mautimbanizgi nga nkhuwukira boma kweniso viwawa vya ndyali. (Luka 21:9, mazgu ghamusi) Kweni nkhaza izo zikuchitika chifukwa cha ndyali kweniso kugaŵikana vilutilirenge yayi.
Umo nkhaza izo zikuchitika chifukwa cha ndyali zizamumalira
Baibolo likuyowoya kuti Chiuta wazamuwuskapo maboma ghose gha ŵanthu na kwimika boma lake lakuchanya.
“Chiuta wakuchanya wazamwimika ufumu . . . uwo uzamuteketa na kumazga maufumu ghose agha, ndipo iwo wekha ndiwo uzamuŵako kwamuyirayira.”—Daniyeli 2:44.
Ufumu wa Chiuta uzamupangiska kuti ŵanthu ŵaŵe ŵakukolerana zanadi na kukhazikiska mtende pa charu chose chapasi.
Muwusi wa Ufumu uwu Yesu Khristu, wakuchemeka kuti “Karonga wa Mtende,” ndipo wazamuwoneseska kuti ‘mtende uzaleke kumara.’—Yesaya 9:6, 7.
Nanga ni sono nthena awo ŵali pasi pa muwuso wake ŵakusambira umo ŵangakhalira mwamutende. Lekani Baibolo likuyowoya kuti: “Ŵazamuskana malupanga ghawo kuŵa vyakulimira, mikondo yawo kuŵa vyakuphatilira makuni. Mtundu uzamuwuskira mtundu unyake lupanga chara, ndipo ŵazamusambiraso nkhondo chara.”—Yesaya 2:3, 4.
Kuti mumanye vinandi, ŵazgani nkhani ya mutu wakuti, “Kasi Ufumu wa Chiuta Uzamuchita Vichi?” na kuwonelera vidiyo ya mutu wakuti Kasi Ufumu wa Chiuta Ni Vichi?
Panji Mungatemwa Kuŵerengaso Nkhani Izi
GONGWE LA MULINDA
Kasi Ufumu wa Chiuta Uzamufiska Vichi?
Yesu wakamanyanga kuti ni Ufumu wa Chiuta pera uwo ungamazga masuzgo pa charu chapasi. Kasi ni vichi ivyo Ufumu wa Chiuta uli kuchita kale ndipo ni vichi ivyo ufiskenge?
MUŴENGE MASO!
Ŵanthu Ŵanandi Ŵaleka Kugomezga Ŵandyali—Kasi Baibolo Likuti Wuli?
Baibolo likutiphalira kuti tiŵenge maso na ŵanthu awo tingaŵagomezga ndipo likutiphalira munthu uyo tingamugomezga kuti vinthu vizakatendere makora.
MUŴENGE MASO!
Chifukwa Wuli Ndyali Zikugaŵaniska Ŵanthu?—Kasi Baibolo Likuti Wuli?
Ndyali zikugaŵaniska ŵanthu pa charu chose chapasi. Kweni Baibolo likutiphalira vya mulongozgi muwemi uyo wakupangiska ŵanthu wose kuti ŵaŵe ŵakukolerana.
GONGWE LA MULINDA
Kasi ni Mulongozgi Nju Uyo Chiuta Wali Kumusankha?
NKHANI ZINYAKE
Chigomezgo Chakuti Kunthazi Vinthu Vizamusintha
Chifukwa wuli ivyo Baibolo likulayizga vikupambana chomene na ivyo ŵanthu ŵakulayizga panji kuyowoyerathu?
IVYO BAIBOLO LIKUSAMBIZGA
Yezgani Kusambira Nase Baibolo
Sangani mwaŵi wakusambira Baibolo munthowa yakudumbiskana na munthu.
