•   “Lipoti likulongora kuti pafupifupi hafu ya ŵanthu ŵalara msinkhu ku America ŵakuchita phukwa ndipo ŵanandi mwa ŵanthu aŵa mbachinyamata.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Wupu wa World Health Organization] uli kupharazga kuti waŵika gulu lapadera ilo lovwirenge ŵanthu mwaluŵiro, kuŵachiska kuti ŵasangenge ŵabwezi, kweniso kusanga nthowa ziwemi zakumarana na suzgo ili pa charu chose.”—World Health Organization, November 15, 2023.

 Baibolo likutipa ulongozgi wakovwira umo tingasangira ŵabwezi ŵakovwira mwakuti tileke kuŵa na phukwa.

 Chepeskani vyakuchita ivyo vingamutondeskani kuchezga na ŵanyinu. Vinyake mwa vinthu ivyo mungachepeska nkhuleka nkhuchezga nyengo yitali pa malo ghakuchezgera gha pa intaneti. M’malo mwake sangani nthowa umo mungapangira kuti muchezgenge na ŵanthu maso na maso.

•   Fundo ya mu Baibolo: “Mubwezi wanadi wakutemwa nyengo zose ndipo ni mubali uyo wali kubabikira kovwira mu suzgo.”—Zintharika 17:17.

 Penjerezgani mipata yakovwilira ŵanji. Para tikovwira ŵanji ubwezi ukukhora kweniso vikutovwira kuti tiŵenge ŵakukondwa.

•   Fundo ya mu Baibolo: “Uyo wakupeleka wakukondwa chomene kuluska uyo wakupokera.”—Milimo 20:35.

 Wonani webusayiti yithu kuti musange fundo zakovwira za mu Baibolo pa nkhani ya umo mungasangira ŵabwezi ŵakovwira.