Pa January 16, 2021, Baibolo la Malemba Ghakupatulika mu Mang’anamuliro gha Charu Chiphya la pa intaneti likafumiskika mu Chiumbundu. Pulogiramu ya kufumiska Baibolo ili yikajambulikirathu ndipo mipingo yose ya chiyowoyero cha Chiumbundu ku Angola yikawonelera pulogiramu iyi. Mubali Genésio Verdiano, uyo wakuteŵetera mu Komiti ya Munthavi ya Angola ndiyo wakadumba nkhani yakufumiska Baibolo ili.

Chiumbundu chikuyowoyeka chomene ku Angola, ndipo ŵanthu pafupifupi 7 miliyoni ndiwo ŵakuyowoya chiyowoyero ichi. Ŵapharazgi ŵakujumpha 6,500 ndiwo ŵakuyowoya chiyowoyero ichi.

Ŵanthu 6 ndiwo ŵakachita mulimo wakung’anamura uwo ukatora vyaka 5 kuti umare. Yumoza mwa awo ŵakachitako mulimo uwu wakati: “Baibolo ili liwovwirenge chomene ŵanthu chifukwa ndakupulikikwa makora. Chamuŵaso chipusu kusambizga ŵanthu Mazgu gha Chiuta mu uteŵeti.”

Mubali munyake uyo wakuteŵetera mu Komiti ya Munthavi wakati: “Tikumanya kuti para ŵanthu ŵaŵazga Baibolo mu chiyowoyero chawo, likuŵawovwira kuti ŵamanye makora unenesko. Tikondwenge chomene kuwona Yehova wakovwira ŵanthu ŵanandi na Mazgu ghake mu chiyowoyero cha Chiumbundu.”—2 Ŵatesalonika 3:1.