Pa May 26, 2024, Mubali Abdiel Worou, uyo wali mu Komiti ya Munthavi ya West Africa, wakafumiska Baibolo la Mang’anamuliro gha Charu Chiphya Mateyu-Uvumbuzi mu Chifon pa ungano wapadera uwo ukachitikira pa malo gha ungano gha Abomey, ku Benin. Pa ungano uwu pakiza ŵabali na ŵadumbu 920. Ŵanyake 6,188 ŵakachita kujoyina kwizira pa videoconference. Wose awo ŵakiza pa ungano uwu ŵakapokera Mabaibolo ghakuchita kupulinta gha Mang’anamuliro gha Charu Chiphya Mateyu-Uvumbuzi. Baibolo ili likafumiskikaso lakuŵazgira pa intaneti na lakutegherezga mwakuti ŵanthu ŵakapanga dawunilodi nyengo yeneyiyo.

Ŵanthu pafupifupi 2 miliyoni awo ŵakuyowoya Chifon ŵakukhala ku Benin, pa ŵanthu aŵa pali ŵabali na ŵadumbu ŵithu ŵakujumpha 4,000 awo ŵakuteŵetera mu mipingo 84 ya Chifoni. Mu 2022 buku la mu Baibolo la—Makani Ghawemi Ia Mateyu likafumiskika lakuŵazgira pa intaneti. Kufuma apo, mabuku ghanyake gha Malemba gha Chigiriki ghakafumiskikanga mwapachokopachoko.

Nase pamoza na ŵabali na ŵadumbu ŵithu awo ŵakuyowoya Chifoni, tikuwonga Yehova chifukwa cha kupangiska Mazgu ghaunenesko kusangika ku ŵanthu awo ŵakukhumba kulondezga ulongozgi wake wavinjeru.—Yohane 17:17.