Vula yankhongono iyo yikamba pa May 25, 2022 yapangiska maji kututuka kweniso kuti charu chilindimuke kumpoto kumanjliro ghadazi kwa Brazil. Vigaŵa ivyo vyakhwaskika chomene na soka ili ni Alagoas na Pernambuco, uko boma lapharazga kuti matawuni 42 ghakhwaskika chomene. Ŵanthu ŵakujumpha 145,000 ŵachimbira dankha mu nyumba zawo, ndipo pafupifupi 129 ŵafwa.

• Palije yumoza wa ŵabali ŵithu uyo wafwapo

• Ŵapharazgi ŵatatu ŵapwetekeka pachoko waka

• Nyumba 280 zili kunangika pachoko waka

• Nyumba 22 zili kunangika chomene

• Nyumba za Ufumu 23 zili kunangika pachoko waka

• Holo yimoza yakuchitiramo maungano ghakurughakuru yili kunangika chomene

• Komiti Yakovwira Para Kwachitika Soka yikupeleka vyakukhumbikwa na wovwiri wauzimu ku ŵapharazgi ŵakujumpha 600

• Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19

Tikulomba kuti mphanyi ŵabali ŵithu ‘ŵalutilira kupokera nkhongono kwa Fumu” apo ŵakuzizipizga soka ili.—Ŵaefeso 6:10.