Chigaŵa cha Vale do Itajaí cha Santa Catarina kumwera kwa Brazil

• Chivula chikuru icho chikamba kulokwa pa Chinayi, December 17, 2020, chikapangiska kuti vinthu vinandi visakazike kweniso kuti charu chilindimukenge

• Ŵapharazgi 22 ŵakasamuka mu nyumba zawo

• Chachitima ntchakuti mudumbu wa vyaka 65 wakafwa apo nyumba yake yikayegheka na vimathipa

• Nyumba 15 zikanangika pachoko waka

• Ŵabali ŵa mu Komiti Yakovwira Para Kwachitika Soka, mulaŵiliri wa dera, na ŵabali ŵalara ŵakukhozga na kovwira ŵabali wose awo ŵakhwaskika na soka ili, kusazgapo mbumba ya mudumbu uyo wali kufwa

• Komiti Yakovwira Para Kwachitika Soka, yikasankha kagulu ka ŵabali mu chigaŵa ichi kuti kakayendera misumba iyo yakhwaskika na kuwona wovwiri uwo ukukhumbikwa, kweniso kovwirapo kunozga nyumba izo mukazura maji. Komiti iyi yikapeleka maji ghakumwa ghawemi ghakukwana malita ghakujumpha 2,000 kweniso chakurya kuti viwovwire ŵabali na ŵadumbu. Apo ŵakuchitanga vyose ivi ŵakulondezga malango ghakujivikilira ku muliri wa COVID-19

Tili na chitima chifukwa cha kutaya mudumbu withu pa soka ili. Tikulindilira waka nyengo iyo masoka gha chilengiwa kweniso nanga yingaŵa ‘nyifwa vizamuŵakoso yayi.’​—Chivumbuzi 21:4.