Pa February 15, 2022, vula yikuru chomene yikapangiska kuti vimathipa vinange vinthu mu msumba wa ku chigaŵa cha mapiri wa Petrópolis mu chigaŵa cha Rio de Janeiro, Brazil. Ngozi izi yasakaza nyumba kweniso mabizinesi gha ŵanthu. Vula iyi yikalokwa kwa maora 24, ndipo yikaŵa yankhongono chomene.

• Mubali yumoza wakapwetekeka chomene ndipo ŵakamunyamulira ku chipatala. Chachitima ntchakuti mwana wake wa vyaka viŵiri wali kufwa chifukwa wakayegheka na vimathipa

• Mubali yumoza wali kufwa

• Ŵapharazgi 86 ŵali kusama dankha

• Nyumba ziŵiri zili kusakazika

• Nyumba 15 zili kunangika chomene

• Nyumba za Ufumu ziŵiri zili kunangika pachoko waka

• Pali kupangika Komiti Yakovwira Para Kwachitika Soka kuti yigwire ntchito yakovwira awo ŵakhwaskika na ngozi iyi

• Ŵalaŵiliri ŵa dera na ŵalara ŵakupeleka chakurya, maji, vyakuvwara, kweniso kukhozga ŵabali na ŵadumbu

• Ŵabali na ŵadumbu awo nyumba zawo zanangika pasono ŵakukhala dankha kwa ŵachibali ŵawo panji kwa Ŵakaboni ŵa Yehova ŵanyawo

• Awo ŵakovwirapo pa ngozi iyi ŵakulondezga malango agho ghali kuŵikika chifukwa cha COVID-19

Apo tikulutilira kulombera ŵabali na ŵadumbu ŵithu awo ŵakhwaskika na ngozi iyi, tikumanya kuti Yehova ‘wasanguluskenge mitima yawo na kuŵakhozga,’ chomene awo ŵataya ŵakutemweka ŵawo.—2 Ŵatesalonika 2:16, 17.