JANUARY 4, 2022
BRAZIL
Vula Yikuru Yapangiska Kuti Maji Ghatutuke Kumpoto cha Kumanjiliro gha Dazi Kwa Brazil
Kufuma pa December 24 mpaka 26, 2021, vula yikuru yikalokwa ku chigaŵa cha Bahia, Brazil, ndipo ŵanthu ŵakujumpha 640,000 ŵakakhwaskika. Vula iyi yikapangiska kuti maji ghatutuke na kuphongora madamu, ndipo pasono ntchakusuzga kwenda mu misumba yinyake.
Umo Ŵabali na Ŵadumbu Ŵithu Ŵakhwaskikira
Palije yumoza wa ŵabali ŵithu uyo wapwetekekapo
Ŵapharazgi 273 ŵakasamuka dankha
Nyumba 109 zikanangika pachoko waka
Nyumba za Ufumu zitatu zikanangika pachoko waka
Ntchito Yakupeleka Wovwiri
Komiti Yakovwira Para Kwachitika Soka yikasoleka kuti yipelekenge maji, chakurya na vyakuvwara
Ŵapharazgi awo ŵali kusamuka mu nyumba zawo pasono ŵakukhala dankha na ŵachibali ŵawo panji ŵapharazgi ŵanyawo
Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19
Mubali Marcelo Ambrósio, uyo wakuteŵetera mu Komiti Yakovwira Para Kwachitika Soka wakuti: “Kuwona waka umo ŵabali ŵakulongolera chitemwa, vikutikhozga chomene ndipo tikukhuka kuteŵetera Yehova na mtima wose.”
Tikumanya kuti Yehova waŵenge “chigongwe chakukhora” ku ŵabali ŵithu awo ŵakhwaskika na soka ili.—Salimo 9:9.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵakovwirapo Para Kwachitika Masoka?
Manyani umo ntchito yakovwira Ŵakaboni ŵa Yehova na ŵanthu ŵanyake yikwendera para kwachitika masoka.