MAY 19, 2004—Khoti Lakuwona vya Wanangwa wa Ŵanthu ku Europe likakolerana na ivyo vikadumulika pa mulandu wa Lotter and Lotter v Bulgaria, ndipo boma likazomerezga kuti Ŵakaboni ŵa Yehova ŵali na wanangwa kuchita vinthu mwakufwatuka kweniso kuyowoya ivyo ŵakugomezga kwambura munthu kuŵakanizga

APRIL 16, 2003—Boma likazomerezga kuti zuŵa la Kukumbukira nyifwa ya Khristu liŵenge zuŵa la holide ku Ŵakaboni ŵa Yehova, ndipo Ŵakaboni mbakuzomerezgeka kukhala ku ntchito pa zuŵa ilo

MARCH 6, 2003—Ŵakaboni ŵa Yehova ŵakalembeskaso chisopa chawo kuyana na dango liphya ilo likaŵikika na boma

MAY 3, 2001—Khoti Lakuwona vya Wanangwa wa Ŵanthu ku Europe likakolerana na ivyo vikadumulika pa mulandu unyake wa Kaboni wa Yehova (Stefanov v. Bulgaria); ndipo boma likazomerezga kumazga milandu yose ya ŵanthu awo ŵakazomera ntchito zinyake m’malo mwa usilikari

OCTOBER 7, 1998—Ŵakaboni ŵa Yehova ŵakazomerezgeka kulembeska mwakuyana na dango ku Bulgaria

MARCH 9, 1998—Nga umo Khoti Lakuwona vya Wanangwa wa Ŵanthu ku Europe likazomerezgera pempho la Ŵakaboni ŵa Yehova, boma la Bulgaria nalo likazomerezga Ŵakaboni ŵa Yehova kulembeska nga ntchisopa

1994—Boma la Bulgaria lati lasintha dango pa nkhani ya visopa, likakanizga Ŵakaboni ŵa Yehova kulembeska chisopa chawo

MAY 7, 1992—Charu cha Bulgaria chikalembeska kuŵa charu cha nambara 26 mu wupu wa Council of Europe

JULY 17, 1991—Charu cha Bulgaria chikazomerezga Ŵakaboni ŵa Yehova kulembeska mwakuyana na dango (Christian Association of Jehovah’s Witnesses)

1944-1990—Milimo ya Ŵakaboni ŵa Yehova yikakanizgika mu muwuso wa Chikomyunizimu

MAY 6, 1938—Ŵakaboni ŵa Yehova ŵakazomerezgeka kulembeska mwakuyana na dango

1888—Ukaboni unyake wakale ukuzunurapo za Ŵakaboni ŵa Yehova ku Bulgaria