Pa August 6, 2022, Mubali Gilles Mba, uyo ngwa mu Komiti ya Munthavi ya Cameroon, wakafumiska Baibolo la Mang’anamuliro gha Charu Chiphya Mateyu-Chivumbuzi mu chiboulou mu pulogiramu iyo yikajambulikirathu. Ŵanthu ŵakawonelera pulogiramu iyi ndipo pasono Baibolo ili likusangika pa Intaneti pera. Lakuchita kupurinta lambenge kusangika mu 2023.

Mabaibolo ghanyake ghakusangika mu chiyowoyero ichi kweni ngakudura chomene. Ghanyake muli kulembeka mazgu ghanonono ndipo ŵali kuwuskamo zina la Chiuta. Kweniso mulije fundo zaunenesko nga umo Baibolo likalembekera pakwamba. Mwachiyelezgero, Mabaibolo ghanyake gha mu Chiboulou, mazgu ghakuti “Ufumu wa Chiuta” ghakulembeka kuti “Mtundu wa Chiuta,” “Fuko la Chiuta,” panji “Charu cha Chiuta.” Ntheura mazgu ghakuti “Ufumu” mu Baibolo la Mang’anamuliro gha Charu Chiphya mu Chiboulou, ghang’anamulika makora chomene ndipo chamuŵa chipusu kulongosolera ŵanthu kuti Ufumu wa Chiuta ni boma ilo Yehova wali kukhazikiska kuchanya.

Mubali uyo wakawovwirapo pa mulimo wa kung’anamura wakati: “Baibolo ili litovwirenge kuti tipharazgire ŵanthu fundo zaunenesko.”

Tili na chigomezgo chose kuti Baibolo la Mang’anamuliro gha Charu Chiphya, Mateyu-Chivumbuzi mu Chiboulou lovwirenge chomene ŵabali na ŵadumbu apo ŵakupenja “awo ŵakumanya kuti ŵali na njara yauzimu.”—Mateyu 5:3.