Cha mukatikati mwa 1946, ŵamazaza ŵa ku Canada ŵakafumiska Ŵakaboni ŵa Yehova awo ŵakaŵa mu misasa yakupambanapambana iyo yikaŵa ku vigaŵa vya kumizi ku Canada. Ŵabali ŵithu ŵachinyamata pafupifupi 300 ŵakachichizgikanga kugwira ntchito zinonono mu misasa iyi chifukwa chakuti njuŵi yawo yikaŵazomerezganga yayi kunjira usilikari. Nangauli vikaŵa nthena, kweni ŵabali ŵithu ŵakalongora chikanga na kuzizipizga vyose ivi ndipo ŵakafuma mu misasa iyi uku ŵachali pa ubwezi wakukhora na Yehova. Pasono pajumpha vyaka 75 kufuma apo ŵabali ŵithu ŵakafumiskikira mu misasa iyi. Don MacLean, yumoza mwa ŵabali aŵa uyo wachali wamoyo, wakuti: “Vinandi ivyo vikachitikanga mu vyaka ivyo kukaŵira nkhondo vikanikhozga chomene. Para nkhuvikumbuka, nkhuti waka yewo Yehova.”