DOUALA, Cameroon—Vivulupi ivyo vikwamba chifukwa cha kusankhana mtundu kweniso visopa vyapangiska Ŵakaboni ŵa Yehova ku Central African Republic kuchimbilira ku vyaru vya pafupi nga Cameroon na Democratic Republic of Congo. Ŵakaboni ŵa Yehova mu vyaru ivi ŵakuŵapokelera na kuŵapwelelera makora.

Pa viwawa ivyo vikachitika pa July 13, 2017, Ŵakaboni ŵa Yehova 15 pamoza na mabanja ghawo kweniso kabonda, ŵakachimbilira mu muzi wa Mbai Mboum uwo wuli chakumafumiro gha dazi gha charu cha Cameroon. Mu sabata yakulondezgapo, ŵanthu ŵanyake ŵakawotcha nyumba za ŵanthu. Ivi vikapangiska kuti Ŵakaboni ŵa Yehova 60 ŵa ku Bangassou, mu charu cha Central African Republic, ŵachimbilire ku Ndu, mu charu cha Democratic Republic of Congo ndipo ŵanyawo ŵakaŵapokelera makora.

A Jean-Bernard Fayanga, muyowoyeri wa Ŵakaboni ŵa Yehova ku Central African Republic, ŵakati: “Ndise ŵakukondwa chomene chifukwa palije Kaboni wa Yehova uyo wali kukomeka pa vivulupi ivi. Tikovwirana na ŵanyithu ŵa ku ofesi ya Cameroon na Congo kuwoneseska kuti makomiti ghakovwira pa nyengo ya suzgo ghakupeleka maji ghawemi, chakurya, pakukhala, kweniso kukhozga mwauzimu Ŵakaboni ŵa Yehova aŵa.”

Wupu Wakulongozga wa Ŵakaboni ŵa Yehova ndiwo ukudangilira pa mulimo wakovwira ŵanthu awo ŵasuzgika pa nyengo ya masuzgo, pakugwiliskira ntchito vyawanangwa ivyo ŵanthu ŵakupeleka vyakovwira pa ntchito ya pa charu chose

Mungayowoya na:

International: David A. Semonian, Ofesi ya Chimanyisko, +1-845-524-3000

Cameroon: Gilles Mba, +237-6996-30727

Central African Republic: Jean-Bernard Fayanga, +236-7575-1605