Pa April 15, 2022, Ŵakaboni ŵa Yehova ma miliyoni pa charu chose pamoza na awo ŵakachemeka ŵakachita Mugonero wa Fumu, aka kakaŵa kakwamba kuti ŵawungane pamoza maso na maso pa chakuchitika chapadera kufuma mu 2019. Ku awo ŵakatondeka kwiza ku Chikumbusko chaka chino ŵakachita kujoyina pa mapulogiramu ghanyake gha pa kompyuta.

Chikumbusko cha Nyifwa ya Yesu ni ungano wakuzirwa chomene wa pa chaka ku Ŵakaboni ŵa Yehova. Chifukwa cha muliri wa COVID-19, ungano uwu ukachitikiranga pa videoconference kwa vyaka viŵiri. Ŵanthu ŵakujumpha 21 miliyoni ŵakachitako chikumbusko mu 2021.

Ku ŵanyake, nga ni Markensia Remy, wa ku Haiti, kakaŵa kakwamba kuchitako Chikumbusko Maso na Maso. Markensia, uyo pajumpha waka chaka chimoza kufuma apo wakabatizikira, wakuti: “Ndine wakukondwa chomene kuti nachitako Chikumbusko maso na maso mu Nyumba ya Ufumu. Nkhusoŵa na chakuyowoya. Nkhujipulika kuti nili mu mbumba yiwemi chomene.”

Tikuwonga vitumbiko vya Yehova pa Chikumbusko cha chaka chino, ndiposo tikumuwonga chomene Yehova na Mwana wake Yesu Khristu, pakutilongora chitemwa chapadera.—Yohane 3:16.