NEW YORK—Mu mwezi wa May, Ŵakaboni ŵa Yehova ŵambenge maungano gha chigaŵa agho ŵakuchita chaka chilichose. Ungano wakwamba wambenge pa Chinkhondi, May 18, 2018. Chaka chino mutu wa ungano uwu ngwakuti, “Khwimani Mtima.” Pambere maungano agha ghandambe, Ŵakaboni ŵa Yehova pa charu chose chapasi ŵambenge kuchemera ŵanthu ku ungano uwu. Ku maungano agha kwamuŵavye zithero, ndipo ghachitikenge mu vyaru vyakujumpha 180.

Ungano uwu ngwamazuŵa ghatatu, ndipo kwamuŵa nkhani, seŵero la mazgu pera, kufumba ŵanthu, kweniso mavidiyo. Pa zuŵa laumaliro la ungano uwu, ŵanthu ŵazamuwonelera vidiyo ya mutu wakuti Nkhani ya Yona Yikutisambizga Chikanga na Lusungu. Chigaŵa chilichose cha ungano uwu, chizamwambanga na sumu zamavidiyo.

David A. Semonian, muyowoyeri wa Ŵakaboni ŵa Yehova, wakati: “Usange mungawonelera nyuzi, mungajiwonera mwekha umo ŵanthu ŵa mitundu yose ŵakusuzgikira maghanoghano, kweniso kuti mbawofi chomene kuluska kumanyuma kose. Kuti munthu wazizipizge wakwenera kuŵa na chikanga. Waliyose ngwakupokelereka ku ungano wa chigaŵa wa chaka chino kuti wazakasange phindu na ulongozgi wa mu Baibolo.”

Kuti mumanye madeti kweniso malo agho kwamuchitikira maungano agha, lutani pa webusayiti ya Ŵakaboni ŵa Yehova ya jw.org.

Mungayowoya na:

David A. Semonian, Ofesi ya Chimanyisko, +1-845-524-3000