JUNE 17, 2021
NKHANI ZA PA CHARU CHOSE
Baibolo la Mang’anamuliro gha Charu Chiphya Lafumiskika mu Chitajiki, Kwizira mu Pulogiramu Iyo Yikajambulikirathu
Pa June 13, 2021, Mubali Mark Sanderson, wa mu Wupu Wakulongozga, wakafumiska Baibolo la Malemba Ghakupatulika mu Mang’anamuliro gha Charu Chiphya mu Chitajiki. Baibolo ili likafumiskika la pa intaneti ndipo likafumiskika mu pulogiramu iyo yikajambulikirathu.
Fundo Zakuzirwa Zakukhwaskana na Ntchito Yakung’anamura Baibolo Ili
Chitajiki chikuyowoyeka na ŵanthu pafupifupi 14 miliyoni, ndipo ŵanthu pafupifupi 5 miliyoni ŵa chiyowoyero ichi ŵakukhala ku Tajikistan
Awo ŵakuchita mulimo wakung’anamura ŵakufuma mu vyaru vyakupambanapambana, ŵakagwira ntchito vyaka vinayi kuti ŵamalizge kung’anamura
Yumoza wa awo ŵakachitako mulimo uwu wakati: “Baibolo la Malemba Ghakupatulika mu Mang’anamuliro gha Charu Chiphya mu Chitajiki, liwovwirenge ŵanthu kupulikiska mwaluŵiro ivyo ŵakuŵazga na kuvilondezga. Nkhukayika yayi kuti liwovwirenge wose kuti ŵasendelere kwa Yehova, uyo ni mwenecho wa Baibolo.”—Yakobe 4:8.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵali na Baibolo Lawo?
Kuŵerenga Mabaibolo ghakupambanapambana kungamovwirani pakusambira. Pali fundo zitatu izo zikupangiska kuti Baibolo la Mang’anamuliro gha Charu Chiphya kuŵa liwemi chomene para mukusambira.
UMO VYAWANANGWA VINU VIKUGWILIRA NTCHITO
Kupanga Buku Lakuzirwa Kuluska Ghose
Pali vinandi ivyo vikunjizgikamo kuti ting’anamure Mabaibolo gha Mang’anamuliro gha Charu Chiphya, kupulinta, na kughapanga kuti ghaŵe mabuku.