Ŵakaboni ŵa Yehova mamiliyoni ghanandi pamoza na ŵakunweka ŵazamuwungana pa chiŵiri April 7, 2020, kuti ŵachite ungano wakuzirwa chomene, wakukumbukira nyifwa ya Yesu. Ndipouli, chaka chino chifukwa cha muliri wa COVID-19, ungano uwu uchitikenge mu nthowa yakupambanako na umo tikachitiranga kumasinda. Ŵanandi ŵazamuchita ungano uwu kwizira pa pulogiramu yinyake ya pa kompyuta.

Muliri wa coronavirus, wapangiska ŵalara ŵa boma mu vyaru vinandi kuti ŵakanizge ŵanthu ŵanandi kuwungana pa malo ghamoza. Ntheura mipingo yinandi pa charu chose yili kwamba kugwiliskira ntchito mapulogiramu gha pa kompyuta pakuchita maungano. Mipingo iyi yizamugwiliskiraso ntchito nthowa yeneyiyi pakukumbukira nyifwa ya Yesu. Kweni kwa ŵanthu ŵanyake wose ŵangachita kutegherezga nkhani ya Chikumbusko cha nyifwa ya Yesu iyo yili kujambulika kale ndipo yiŵikikenge pa jw.org.

Chaka chamara ŵanthu ŵakujumpha 20 miliyoni ŵakiza ku Chikumbusko cha nyifwa ya Yesu. Tikugomezga kuti chaka chino napo ŵanthu mamiliyoni ghanandi ŵizenge ku Chikumbusko, panji ŵachitenge kwizira pa mapulogiramu gha pa kompyuta, pa telefoni, panji kuwonelera nkhani yakujambulika kale iyo yili pa jw.org.

Mu vyaru vinandi muliri uwu ukulutilira kuthandazgika ndipo umoyo wa ŵanthu ŵanandi uli pangozi. Ntheura kuti ŵabali na ŵadumbu ŵithu ŵaŵe ŵakuvikilirika, tikwenera kuŵikapo mtima kupulikira ivyo ŵamazaza ŵaboma ŵakutiphalira m’paka apo muliri uwu uzamumalira. Kweni tikugomezga kuti Yehova watovwirenge, ndipo taŵikapo mtima kuchita ivyo Yesu wakatituma kuti “Lutilirani kuchita ichi kuti munikumbukenge.”—Luka 22:19.