Pa 30 June 2024 chimphepo chikuru cha Hurricane Beryl chikajumpha kumwera kwa chirwa cha Martinique, ku West Indies. Zuŵa lakulondezgapo, chimphepo ichi chikaŵa chikuru chomene kujumpha chapakwamba ndipo chikakhwaska vigaŵa vinyake nga ni Barbados, Grenada, na Saint Vincent kweniso Grenadines. Zuwa linyakeso lakulondezgapo chikatimbaso charu cha Venezuela ndipo ichi chikaŵaso chikuru chomene kuluska icho chikajumpha pakwamba. Kufuma apo chikatimba kumwera kwa Jamaica. Pa July 5, chimphepo chikuru chili kunanga chirwa cha Yucatán ku Mexico ndipo chikakhwaskaso kumwera kwa United States.

Chimphepo ichi chikapangiska kuputa na kulokwa kwa vula yikuru kufika makilomita 270 pa ora limoza ndipo vinthu vinandi vili kunangika nga nyumba, mabizinesi na vinthu vinyake. Ŵanthu mamiliyoni ghanandi awo ŵakukhala mu vigaŵa ivyo vili kukhwaskika, ŵalije magesi, maji na vinthu vinyake. Malipoti ghakulongora kuti ŵanthu ŵakujumpha 30 ŵali kufwa.

Martinique (West Indies)

• Palije ŵabali panji ŵadumbu awo ŵali kufwa panji kupwetekeka

• Ŵapharazgi 6 ŵali kukhwaskika ndipo ŵalije pakukhala

• Nyumba yimoza yili kunangikirathu

• Nyumba yimoza yili kunangika chomene

• Nyumba yimoza yili kunangika pachoko waka

• Palije Nyumba ya Ufumu iyo yili kuwa panji kunangika

Windward Islands

• Palije ŵabali panji ŵadumbu ŵithu awo ŵali kufwapo

• Ŵapharazgi 7 ŵali kupwetekeka

• Ŵapharazgi 67 ŵalije pakukhala

• Nyumba 39 zili kunangika chomene

• Nyumba 31 zili kunangika pachoko waka

• Nyumba ya Ufumu yimoza yili kuwa

• Nyumba ya Ufumu yimoza yili kunangika chomene

• Nyumba za Ufumu 4 zili kunangika pachoko waka

Venezuela

• Palije mubali panji mudumbu uyo wali kufwapo panji kupwetekeka

• Ŵapharazgi 30 ŵali kusama mu nyumba zawo

• Nyumba 12 zili kunangika chomene

• Nyumba 9 zili kunangika pachoko waka

• Nyumba ya Ufumu yimoza yili kunangika chomene

Jamaica

• Palije mubali panji mudumbu uyo wali kufwapo panji kupwetekeka

• Ŵapharazgi 18 ŵali kufumamo mu nyumba zawo

• Nyumba 24 zili kunangika chomene

• Nyumba 75 zili kunangika pachoko waka

• Nyumba za Ufumu 19 zili kunangika pachoko waka

Mexico

• Palije mubali panji mudumbu uyo wali kufwa panji kupwetekeka

• Ŵapharazgi 320 ŵakafumamo mu nyumba zawo kweni pasono ŵali kuweleraso

• Nyumba 11 zili kunangika pachoko waka

• Palije Nyumba ya Ufumu iyo yili kunangika panji kuwa

United States

• Palije mubali panji mudumbu uyo wali kufwapo

• Ŵapharazgi 6 ŵali kupwetekeka

• Ŵapharazgi 242 ŵali kufumamo mu nyumba zawo

• Nyumba 4 zili kunangikirathu

• Nyumba 33 zili kunangika chomene

• Nyumba 471 zili kunangika pachoko waka

• Palije Nyumba ya Ufumu iyo yili kunangika panji kuwa

Ŵalaŵiliri ŵadera na ŵalara ŵakovwira wose awo ŵali kukhwaskika mwauzimu kweniso mwakuthupi. Mwakusazgirapo, pali kupangika makomiti 6 ghakulaŵilira mulimo wakupeleka wovwiri.

Tikulomba kuti Yehova walutilire kupembuzga wose awo ŵakugomezga iyo panyengo yakusuzga iyi.—2 Ŵakorinte 1:3, 4.