Pa September 18, 2022, Chimphepo cha Hurricane Fiona chikaputa ku Puerto Rico na vilwa vyapafupi ndipo chikaputanga pamtunda wa makilomita 160 pa ora limoza ndipo chikizaso na vula yikuru chomene. Chivula ichi chikananga misewu na mabuliji ndipo chikapangiska kuti mu vigaŵa vinandi magesi ghazimwe. Pakuti misewu na mabuliji vili kunangika, vyapangiska kuti chiŵe chakusuzga kuti ŵamazaza ŵalute na chakurya, maji, na munkhwala ku ŵanthu awo ŵakhwaskika na chimphepo ichi.

Puerto Rico, Saint Kitts and Nevis, Turks and Caicos

• Palije yumoza wa ŵabali panji mudumbu uyo wali kufwa

• Ŵapharazgi ŵanayi ŵakapwetekeka pachoko waka

• Ŵapharazgi 75 ŵakasama mu nyumba zawo

• Nyumba 140 zikanangika pachoko waka

• Nyumba 18 zikanangika chomene

• Nyumba yimoza yikasakazikirathu

Dominican Republic

• Palije mubali panji mudumbu uyo wali kufwa

• Ŵapharazgi 58 ŵakasama mu nyumba zawo

• Nyumba 57 zikanangika pachoko waka

• Nyumba 26 zikanangika chomene

• Nyumba ziŵiri zikasakazikirathu

• Nyumba za Ufumu ziŵiri zikanangika pachoko waka

• Nyumba za Ufumu ziŵiri zikanangika chomene

Guadeloupe na Martinique

• Palije mubali panji mudumbu uyo wali kufwa

• Ŵapharazgi 16 ŵakasama mu nyumba zawo

• Nyumba 43 zikanangika pachoko waka

• Nyumba ziŵiri zikanangika chomene

• Nyumba za Ufumu 13 zikanangika pachoko waka

• Ŵalaŵiliri ŵa dera na ŵalara mu mipingo ŵakukhozga mwauzimu na kupeleka wovwiri ku mbumba izo zakhwaskika

• Pasono mapulani ghali mukati kuti ŵapeleke wovwiri wakukhumbikwa chomene ku mbumba izo zakhwaskika na kunozgaso nyumba zawo

• Wovwiri wose ukupelekeka mwakulondezga malango gha kujivikililira ku muliri wa COVID-19

Tikumanya kuti ŵabali na ŵadumbu ŵithu awo ŵakhwaskika na chimphepo ichi ŵasangenge nkhongono na milimo ya chitemwa ya ŵabali na ŵadumbu pa charu chose.—Milimo 11:29.