Pa September 27, 2022 chimphepo cha Hurricane Ian chikasakaza vinthu ku Cuba, ndipo machero ghake chikafika kumwera cha kumanjiliro gha dazi kwa Florida. Chimphepo ichi ntchachinayi pa vimphepo vyakofya. Nakutiso ntchimoza mwa vimphepo vyakofya chomene ivyo vili kuputapo ku United States, ndipo chikaputanga pamtunda wa makilomita 240 pa ora limoza. Chikazakasaza chomene vinthu, ivi vikapangiska kuti magesi ghazimwe, nyumba ziwe, maji ghatutuke chomene m’paka ghakafika mu Nyanja ya Atlantic. Chimphepo ichi chikakafikaso ku South Carolina.

Chimphepo chakofya ichi chikapangiska ŵapharazgi ŵakujumpha 12,000 ku Florida kuchimbira mu nyumba zawo na kusoŵa malo ghakukhala.

Ŵalaŵiliri ŵa dera ŵakugwilira lumoza na awo ŵali mu Dipatimenti Yakuzenga kuti ŵawovwire ŵalara kupeleka vyakukhumbikwa ku awo ŵakhwaskika na soka ili.

Cuba

• Chachitima ntchakuti mubali yumoza wali kutayika

• Ŵabali ŵaŵiri ŵali kupwetekeka pachoko waka

• Nyumba 300 zili kunangika pachoko waka

• Nyumba 491 zili kunangika chomene

• Nyumba 63 zili kusakazikirathu

• Malo ghakuwunganapo 40 ghali kunangika chomene

• Malo gha ungano ghamoza ghali kunangika pachoko waka

• Malo gha ungano ghatatu ghali kunangika chomene

Florida

• Palije yumoza wa ŵabali panji mudumbu withu uyo wafwa

• Ŵapharazgi ŵaŵiri ŵakapwetekeka pachoko waka

• Ŵapharazgi 5,874 ŵali kuchimbira mu nyumba zawo

• Nyumba 1,559 zili kunangika pachoko waka

• Nyumba 367 zili kunangika chomene

• Nyumba 47 zili kusakazikirathu

• Kufika pasono nyumba 329 zili kunozgekaso

• Nyumba 71 ŵali kuzinozga umo zikanangika

• Nyumba zithu zakusoperamo 38 zili kunangika pachoko waka

• Nyumba ya Ufumu yimoza yili kunangika chomene

• Malo ghakuchitirapo maungano ghamoza ghali kunangika chomene

South Carolina

• Palije yumoza wa ŵabali panji mudumbu withu uyo wali kupwetekeka panji kufwa na chimphepo ichi

• Ŵapharazgi 35 ŵali kusamuka mu nyumba zawo

• Nyumba 13 zili kunangika pachoko waka

• Ŵalaŵiliri ŵa dera pamoza na ŵalara mu mipingo ŵakovwira mwauzimu mbumba izo zakhwaskika na kuzipa wovwiri wakwenelera wa ku thupi

• Nyumba zakukolerapo waka 14, zikapangika kuti ŵabali na ŵadumbu ŵithu awo ŵakachimbira mu nyumba zawo ku Florida, ŵasange pakukhala

• Makomiti Ghakovwira Para Kwachitika Soka ghakapangika ku Florida na Cuba kuti ghalaŵilirenge ntchito yakupeleka wovwiri

• Ntchito yose yakupeleka wovwiri yikuchitika mwakulondezga malango agho ghali kuŵikika chifukwa cha muliri wa COVID-19

Para tikuwona ŵabali ŵakujipeleka kuti ŵawovwire ŵanyawo awo ŵasangana na soka lakofya, tikughagomezga nadi mazgu gha wamasalimo agho ghakuti: “Uyo wakuthemba Yehova wakuzingilizgika na lusungu lwake.”—Salimo 32:10.