Kufuma pa January 24 m’paka 25, 2022, kututuka kwa maji kweniso chimphepo cha nkhongono chakuchemeka Tropical Ana chikasakaza vinthu ku Malawi na Mozambique. Chimphepo ichi chikakoma ŵanthu ŵanandi, kunanga misewu, na kusakaza nyumba, ivyo vikapangiska ŵanthu kusoŵa pakukhala.

Malawi

• Chachitima ntchakuti, mubali munyake muwoli wake uyo ni Kaboni yayi wali kutayika pamoza na ŵana ŵaŵiri munyake wa vyaka vitatu, munyake 5. Ŵakafwa boti ilo likaŵaponoskanga lati lagadabuka

• Mudumbu yumoza na mwana wa vyaka 7 ŵali kupwetekeka

• Ŵapharazgi 1,000 ŵali kusamuka dankha

• Nyumba za Ufumu ziŵiri zili kunangika pachoko waka

• Nyumba pafupifupi 100 zili kunangika chomene

• Nyumba pafupifupi 100 zili kunangikirathu

Mozambique

• Palije yumoza wa ŵabali na ŵadumbu ŵithu uyo wali kufwapo

• Ŵabali ŵaŵiri ŵali kupwetekeka

• Ŵapharazgi 381 ŵali kusamuka dankha

• Nyumba za Ufumu zitatu zili kunangika pachoko waka

• Nyumba za Ufumu zitatu zili kunangika chomene

• Nyumba za Ufumu zitatu zili kunangikirathu

• Nyumba 51 zili kunangika pachoko waka

• Nyumba 96 zili kunangika chomene

• Nyumba 79 zili kunangikirathu

• Makomiti gha Kovwira Para Kwachitika Soka ghali kupangika mu vyaru vyose viŵiri

• Makomiti gha Kovwira Para Kwachitika Soka ghakupeleka chakurya, maji ghakumwa, na wovwiri unyake wakukhumbikwa

• Wovwiri wose ukupelekeka mwakulondezga malango agho ghali kuŵikika chifukwa cha muliri COVID-19

Tili na chigomezgo chose kuti Yehova waŵakhozgenge ŵabali ŵithu mu nyengo zakusuzga izi.—Salimo 46:1.