APRIL 1, 2022
NKHANI ZA PA CHARU CHOSE

Chivikiliro cha Yehova Chili nga ni ‘Linga Lakukhora’

JULANI

Pa February 16, 2022, Khoti la Kerch ilo lili ku Republic of Crimea likati Mubali Artem Shabliy wali na mulandu ndipo waleke kusangikaso na mulandu kwa vyaka viŵiri. Ulendo uwu ŵamujalirenge mu jele yayi.

Nyengo

May 26, 2020

Ŵamazaza ŵakasecha nyumba ya Artem kweniso nyumba za mbumba zinayi za Ŵakaboni ŵa Yehova ku Crimea. Apo ŵakasechanga, mwana wa Artem wa vyaka vinayi wakachekeka mu malundi na magilasi chifukwa ŵamazaza aŵa ŵakaswa windo. Ŵati ŵasecha kwa maora ghatatu, Artem wakakakika na kusungika kwayekha mazuŵa ghatatu
June 9, 2020

Artem wakaphalira Khoti la Kerch kuti lumulongore malipoti agho ŵakumupirapo mulandu. Nangauli kuyana na dango ndivyo ŵakeneranga kuchita nadi, kweni ŵakamukanira
May 24, 2021

Khoti likamba kutegherezga mulandu. Ŵabali na ŵadumbu ŵanandi ŵakawungana pawaro pa khoti kuti ŵamukhozgere, kweni ŵakazomerezgeka yayi kunjira mukati

Vyakukhwaskana na munthu uyu

Artem Shabliy

Chaka cha kubabikira: 1990 (Kerch)

Mbiri yake: Wakugwira ku kampani ya vyakuzenga. Wakutemwa bola la malundi, table tennis, na chess. Wakatorana na Svetlana mu 2013. Ŵali na ŵana ŵaŵiri ŵanalume. Banja lawo likutemwa kutembeya na kuwona chilengiwa

Apo Artem wakaŵa na vyaka vinayi, ndipo amama ŵake ŵakaŵiranga Kaboni wa Yehova. Apo wakakuranga, wakakhorwa na chitemwa chanadi icho ŵabali na ŵadumbu ŵakalongorananga mu mpingo wa Chikhristu. Wakabatizika mu 2007

Ivyo Wakayowoya

Kasi mungatiphalirako chiyelezgero chakulongora umo Yehova wakamovwilirani apo mukaŵa na wofi?

Nkhafipanga mtima chomene nyengo yiliyose para wakufufuza mulandu wakunifumba mafumbo. Wakanichichizganga kweniso kunisuzga chomene. Kweni nyengo zose nkhalombanga kwa Yehova. Nkhalomba kuti wanipe mtende wa mu mtima kweniso vinjeru. Nkhaŵa wakukondwa chomene chifukwa vyose ivyo wakufufuza mulandu wakanichitiranga vikaphura kanthu yayi pa ine. . . . Na wovwiri wa Yehova, vikaŵa nga nimilira kuseri kwa linga lakukhora chomene.

Ntchivichi chikamovwirani kuti mulutilire kuzizipizga?

Nindaŵepo paubwezi wakukhora nthena na Yehova kumasinda kose uku, ndipo ichi ndicho nkhukhumba yayi kuchitaya. Nkhukhumba nilutilire kuŵa mubwezi wake. Nkhumanya kuti Yehova wakunotha nane ndipo wakunitemwa chomene. Ivi vikunovwira kuti nilutilire kugomezgeka na kumukondweska.

Nga umo vikaŵira kwa Artem, Yehova wakuŵaleka ŵekha yayi ŵateŵeti ŵake ŵakugomezgeka. Tikugomezga kuti walutilirenge kuŵa mphanji, linga lakukhora, na chigongwe chakukhora ku ŵabali na ŵadumbu ŵithu wose ku Crimea na Russia.—Salimo 18:2.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Crimea

Khoti la Dzhankoy ku Crimea lati Sergey Filatov wakhale mu jele vyaka 6 chifukwa cha kuchitako vinthu vyakukhwaskana na kusopa mwa mtende ku nyumba yake.

NKHANI