Pamanyuma pa vyaka vitatu vya kupanga mapulani, kunozgekera na kulomba, ntchito yakujambura mavidiyo gha “Uthenga Uwemi Wakuyowoya vya Yesu” yikambika pa Chinkhondi, May 20, 2022. Ŵabali na ŵadumbu ŵakufuma mu vyaru vyakupambanapambana awo ŵali ku Australia ŵakakondwa chomene ntchito iyi yati yamba. Mubali Geoffrey Jackson wa mu Wupu Wakulongozga, wakaŵapo apo ntchito iyi yikambanga. Mubali uyu wakati: “Ntchakukondweska chomene kuwona ŵabali na ŵadumbu ŵaŵikapo mtima kujambura vidiyo ya maminiti pafupifupi 1,000 yakukhwaskana na umoyo wa Yesu. Tikugomezga kuti vidiyo iyi yamovwira ŵanthu ŵanandi chomene.”