Mwasonosono apa pa webusayiti ya jw.org pali kuŵikika kachigaŵa ako ŵanthu ŵanandi ŵakukakhumba. Pasono mungachita kusankha umo mukukhumbira kuti webusayiti iyi yiwonekerenge, mungasankha kuti yiwoneke yakuŵara panji yileke kuŵara.

Kachigaŵa kakuti yileke kuŵara, kakupangiska kuti malemba ghasinthe mtundu kweniso peji lose pa webusayiti likuŵa lifipa. Ŵanyake ŵakutemwa kuti peji la pa webusayiti liwonekenge nthena chifukwa chakuti ungweru ukuŵako uchoko. Ichi chikovwira kuti maso ghaleke kuŵinya, chomenechomene para mbusiku panji para munthu wali pa malo apo palije ungweru wakukwana. Kachigaŵa aka kangawovwiraso awo ŵakusuzgikira pakulaŵiska panji awo maso ghawo ghakukhumba ungweru unandi yayi.

Kuti muwone apo mungasinthira mawonekero gha webusayiti, khirani musi mwa peji la webusayiti ya Jw.org na kudofya pa Yisinthe Mawonekero. Para mukukhumba kuti yiwonekenge mwa nyengo zose, mbwenu dofyani Yanyengozose. Panji mungadofya waka pa Yiŵale panji pa Yileke kuŵara kuti ndipo webusayiti iyi yizakafikirenge para mwazakanjiraposo.

Kusintha uku pasono kundachitike pa JW Library app, kweni kunthazi uku kuzamuŵikikapo. Tikuwonga chomene Yehova chifukwa chakusintha uku, tikumanya makora kuti vinthu ivyo vikusangika pa webusayiti yithu vikutovwira kusanga chakurya chauzimu chinandi.