Wupu Wakulongozga wa Ŵakaboni ŵa Yehova ukapharazga kuti wapempha maofesi gha minthavi ghanyake kuti mipingo yinyake yambepo kuwungana pamoza mu vigaŵa vyawo kuti ŵawone umo vinthu viŵirenge. Maofesi gha minthavi agho ghali kusankhika ghasorenge Nyumba za Ufumu mu vigaŵa ivyo ŵanthu ŵanandi ŵali kupokera katemera ndipo chiŵelengero cha awo ŵakusangika na muliri wa Covid-19 ntchakukhira. Pulogiramu yose iyi yichitikenge mwakulondezga malango agho boma lili kuŵika pa nkhani yakuwungana malo ghamoza. Chipharazgo ichi chikaŵerengeka mu ma Beteli ghose pa charu chose pa Chinkhondi, October 15, 2021.

Umo vinthu vyenderenge pa nyengo yakuwonerapo iyi, ndivyo vizamovwira kuwona usange ntchakwenelera kuti mipingo yinyake nayo yizakambe kuwungana pamoza mu Nyumba za Ufumu. Ŵakapharazgaso kuti vinthu vinyake ivyo tikayima dankha kuchita chifukwa cha muliri uwu, vikhalilirenge nthena m’paka pa January 1, 2022.

Tikuwonga chomene Wupu Wakulongozga chifukwa cha kuŵikapo mtima kutipwelelera tose ŵabali na ŵadumbu pa charu chose, kweniso chifukwa cha nthowa yiwemi ya kwambiraso kuchita milimo yithu yinyake. Tikumupemphani kuti mphanyi mwaŵikapo mtima kulomba kwa Yehova kuti walutilire kulongozga na kutumbika ndondomeko izi.—Zintharika 14:16.