Khoti la Yalta ilo lili ku Republic of Crimea lipelekenge chigamuro chake sonosono apa pa mulandu wa Mubali Taras Kuzo na muwoli wake Darya Kuzo kweniso Mubali Sergey Lyulin na Petr Zhiltsov. Wakwimira boma pa milandu wachali wandapemphe chilango icho ŵangapika.

1. March 4, 2021

   Taras ŵakamujulira mulandu, wakuti wakupeleka ndalama ku gulu ilo likuchita vinthu vyakofya

2. March 11, 2021

   Ŵamazaza ŵakasecha nyumba 9 za Ŵakaboni ŵa Yehova kusazgapo na nyumba ya Kuzo na Sergey. Taras wakasungika dankha mu jele

3. March 12, 2021

   Taras wakafumiskika mu jele na kutumika pa jele la panyumba, kweni ŵakamukanira kukhala lumoza na ŵamumbumba yake

4. July 29, 2021

   Ŵamazaza ŵakajulira milandu Darya, Petr, na Sergey. Petr wakasungika dankha mu jele

5. July 30, 2021

   Milandu yose ŵakayisazga pamoza. Petr wakafumiskika mu jele na kutumika pa jele la panyumba

6. August 10, 2021

   Sergey ŵakamukaka na kuluta nayo ku jele la kusungirako awo milandu yawo yinderuzgike, mtunda wa makilomita pafupifupi 800. Ulendo uwu ukatora maora 16, ndipo nyengo yose iyi mawoko ghake ŵaghakakilira ku chisulo chinyake icho chikuŵa kuchanya kwa galimoto ndipo malundi ghake ŵakaghakakilira ku mpando

7. March 1, 2022

   Sergey wakafumiskika mu jele na kutumika pa jele la panyumba

8. April 4, 2022

   Khoti likamba kutegherezga mulandu wawo

9. July 11, 2022

   Petr, Sergey, na Taras ŵakafumiskika pa jele la panyumba ndipo ŵakakanizgika kwenda kufuma mu chigaŵa icho ŵakakhalanga

Para ŵajalirika mu jele, kusungika dankha mu jele, panji para ŵali pa jele la panyumba, ŵateŵeti ŵa Yehova ŵangajipulika nga kuti ‘ŵafyenyeka chomene,’ kweni Yehova wazamuŵalekapo yayi awo ŵakutambuzgika chifukwa cha zina lake.—2 Ŵakorinte 4:8, 9.