FEBRUARY 25, 2016
NKHANI ZA PA CHARU CHOSE
Ŵakaboni ŵa Yehova Ŵakuchemera Ŵanthu Wose ku Chikumbusko cha Nyifwa ya Khristu
Pazamuyowoyeka nkhani ya mu Baibolo.
NEW YORK—Pa Chisulo, apo mpha 27 February, Ŵakaboni ŵa Yehova pa charu chose ŵazamwamba kugaŵira tumapepara twakuchemera ŵanthu ku Chikumbusko cha nyifwa ya Khristu icho chikuchitika kamoza pa chaka. Chikumbusko ichi chizamuchitika pa March 23. David A. Semonian, muyowoyeri wa Ŵakaboni ŵa Yehova pa ofesi yawo yikuru ku New York, wakati: “Pa chakuchitika ichi pazamuyowoyeka nkhani iyo yizamulongosora chifukwa icho nyifwa ya Yesu, iyo yikachitika vyaka pafupifupi 2, 000 ivyo vyajumpha, yiliri yakuzirwa mazuŵa ghano, kweniso umo yikutovwilira kuti tiŵe na chilindizga chiwemi cha munthazi. Tikukhumba kuti ŵanthu ŵanandi ŵazakasange chandulo na nkhani iyi.”
Ŵakaboni ŵakukwana 8 miliyoni pa charu chose ŵazamugaŵira ŵazengezgani ŵawo tumapepara twakuchemera ŵanthu kuti ŵize ku Chikumbusko ichi. Chaka chamara, ŵanthu pafupifupi 20 miliyoni ŵakiza ku Chikumbusko cha nyifwa ya Yesu.
Mungayowoya na:
David A. Semonian, Office of Public Information, tel. +1 718 560 5000
Panji Mungatemwa Kuŵerengaso Nkhani Izi
MANYANI VYA ISE
Kukumbukira Nyifwa ya Yesu
Ŵakaboni ŵa Yehova ŵakumuchemani kuti muzakaŵepo pa Chikumbusko cha Nyifwa ya Yesu pa April 12, 2025.
IVYO ŴANTHU ŴAKUTEMWA KUFUMBA
Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalitchi Ghanyake?
Mugonero wa Fumu panji kuti Chikumbusko, ntchakuchitika chapadera chomene ku Ŵakaboni ŵa Yehova. Wonani ivyo Baibolo likuyowoya vyakukhwaskana na chakuchitika ichi.