Pa Malichi 3, 2018, Ŵakaboni ŵa Yehova pa charu chose chapasi ŵakamba kupeleka tumapepara twakuchemera ŵanthu ku Chikumbusko cha nyifwa ya Yesu icho chikumanyikwaso kuti Mugonero wa Fumu. Pa Malichi 31, Ŵakaboni ŵa Yehova mu vyaru vyakujumpha 240 ŵazamuwungana kuti ŵakumbukire nyifwa ya Yesu. Ungano uwu ngwakuzirwa chomene ku Ŵakaboni ŵa Yehova ndipo ukuchitika kamoza pa chaka. Kweni pambere Chikumbusko ichi chindachitike, ŵanthu ŵakuchemeka kuti ŵazakapulikizge nkhani yakufuma mu Baibolo ya mutu wakuti, “Kasi Yesu Khristu ni Njani chomenechomene?” iyo yizamuyowoyeka mu sabata yakwambira Malichi 19.

David A. Semonian, muyowoyeri wa Ŵakaboni ŵa Yehova, wakati: “Mu 2017, ŵanthu ŵakujumpha 20 miliyoni ŵakiza ku Chikumbusko, ndipo pa ŵanthu aŵa, 12 miliyoni ŵakaŵa Ŵakaboni ŵa Yehova yayi. Ichi chikulongora kuti Chikumbusko cha nyifwa ya Yesu ntchakuzirwa chomene ku Ŵakaboni ŵa Yehova pera yayi, kweniso ku ŵanthu mamiliyoni ghanandi pa charu chose chapasi. Chilato chithu ntchakuti ŵanthu ŵanandi ŵazakize ku Chikumbusko icho chizamuchitika kufupi na uko ŵakukhala.”

Mungayowoya na:

International: David A. Semonian, Ofesi ya Chimanyisko, +1-845-524-3000