Aka nkhachiŵiri kuti moto uwo ukwambika wekha unange vinthu ku Chile, ndipo pandajumphe vyaka 10 kufuma apo unyake ukachitikira. Kufuma kukwambilira kwa February 2023, ŵamazaza ŵakabowozga kuti mu malo ghakupambanapambana ghakujumpha 300 mu charu ichi mwabuka moto uwo ukunanga vinthu. Mu malo ghanandi moto uchali kulirima. Moto uwu uli kunanga malo ghakujumpha mahekitara 430,000 ku vigaŵa vya pakati pa Araucanía, Biobío, na Ñuble. Pali malipoti ghakuti moto uwu wananga nyumba na vinthu vinyake vyakuzirwa vya mu charu ichi nga ni misewu na vipatala. Ŵanthu pafupifupi 6,000 ŵali kukhwaskika na moto uwu, ndipo nyumba zakujumpha 1,500 zili kuphya na kunangikirathu. Kufika sono ŵanthu 25 ŵali kufwa.

• Palije mubali panji mudumbu withu uyo wali kufwa

• Ŵapharazgi 222 ŵali kusama mu nyumba zawo; ndipo 76 ŵalije malo ghakukhala

• Nyumba 18 zili kunangika

• Palije Nyumba ya Ufumu iyo yili kunangika

• Ŵabali ŵalara na ŵalaŵiliri ŵadera ŵakwendera ŵabali na kupeleka wovwiri wakukhumbikwa ku mbumba izo zakhwaskika

• Pali kusoleka Komiti Yakovwira Para Kwachitika Soka kuti yilongozge ntchito yakupeleka wovwiri

Mu nyengo zakusuzga izi, ŵabali na ŵadumbu ŵithu ŵakuŵa na chigomezgo chose kuti Yehova, “uyo wakutisanguluska mu suzgo yithu yose” wakuŵa nawo.—2 Ŵakorinte 1:4.