Pa 2 February, 2024, kuputa kwa mphepo yikuru chomene kweniso chithukivu vikapangiska kuti kubuke moto wakofya chomene ku malo ghaŵiri ku chigaŵa cha Valparaíso ku Chile. Moto uwu uli kunanga nyumba zakujumpha 15,000 ku chigaŵa ichi, kweniso mu msumba wa Viña del Mar. Ŵanthu pafupifupi 40,000 ndiwo ŵakhwaskika na ngozi ya moto iyi, ndipo ŵanandi ŵalije magesi na maji. Awo ŵakovwirapo pakuzimwiska moto kweniso kupeleka wovwiri unyake ŵachali kusuzgikira kuti ŵafikire vigaŵa ivyo vyakhwaskika. Malipoti ghakulongora kuti ŵanthu ŵanandi ŵali kupwetekeka ndipo ŵanyake ŵakujumpha 130 ŵali kufwa.

• Chachitima ntchakuti mudumbu yumoza wali kufwa

• Mubali yumoza wali kupwetekeka chomene

• Ŵabali na Ŵadumbu ŵakukwana 24 ŵali kupwetekeka pachoko waka

• Ŵabali na Ŵadumbu ŵakukwana 715 ŵali kusamuskika mu nyumba zawo

• Nyumba 72 zili kunangikirathu

• Nyumba ziŵiri zili kunangika chomene

• Nyumba yimoza yili kunangika pachoko waka

• Palije nyumba za Ufumu izo zili kunangika

• Ku chigaŵa ichi kukukhala ŵabali na ŵadumbu pafupifupi 4,700

• Komiti Yakovwira Para Kwachitika Soka yili kusankhika kuti yikapeleke wovwiri ku awo ŵakhwaskika na suzgo ili

• Ŵabali ŵakufuma ku ofesi ya munthavi ya Chile ŵakatumizgika ku malo uko kuli kuchitika ngozi ya moto iyi kuti ŵakakhozge ŵabali na ŵadumbu ŵithu. Kweniso ŵalaŵiliri ŵa dera na ŵalara ŵakupeleka wovwiri wa kuthupi na kukhozga awo ŵakhwaskika na soka ili

Tili na chigomezgo chose kuti Yehova wakuwona “suzgo na soka” la wose awo ŵakhwaskika na moto wakofya uwu ndipo sonosono apa wazamumazgirathu masoka ghose gha chilengiwa.—Salimo 10:14.