Pa May 30, 2021, Baibolo la Malemba Ghakupatulika mu Mang’anamuliro gha Charu Chiphya Mateyu-Uvumbuzi likafumiskika mu Chialur. Mubali Hugues Kabitshwa, uyo wali mu Komiti ya Munthavi ya Congo (Kinshasa), ndiyo wakafumiska Baibolo ili, ilo ndakuŵerengera pa intaneti, mu pulogiramu iyo yikajambulikirathu.

• Chialur chikuyowoyeka ku Central Africa, Chomenechomene kumpoto cha kumafumiro gha dazi kwa Democratic Republic of the Congo na ku Uganda

• Ŵanthu pafupifupi 1,735,000 ŵakuyowoya Chialur

• Ŵapharazgi ŵakujumpha 1,500 ŵakuteŵetera mu magulu na mipingo 48 ya Chialur

• Ŵanthu 6 ndiwo ŵakagwira ntchito yakung’anamura Baibolo ili, iyo yikatora myezi 12 kuti yimare

Mubali Christian Belotti, uyo wali mu Komiti ya Munthavi ya Congo (Kinshasa) wakati: “Ŵapharazgi awo ŵakuyowoya Chialur ŵamulitemwa chomene Baibolo ili. Lamuŵawovwira kuti ŵalongosorenge makora Malemba na kovwira ŵanji kupulikiska na kutemwa Mazgu gha Chiuta.”—Luka 24:32.

Tili na chigomezgo chose kuti Baibolo ili liwovwirenge ŵabali na ŵadumbu kulutilira kupharazga “makani ghawemi ghamuyirayira.—Chivumbuzi 14:6.