Goma, Democratic Republic of the Congo

• Pa Chisulo, May 22, 2021, Phiri la Nyiragongo ilo lili ku North Kivu Province, kufupi na msumba wa Goma likaphulika, ivi vili kupangiska ŵanandi kusamuka dankha ku chigaŵa ichi

• Ŵapharazgi 2,000 ŵali kusamukira dankha mu misumba ya kufupi

• Ŵateŵeti ŵanyengozose 35, ŵakasamuka dankha

• Nyumba pafupifupi 29 za ŵabali ŵithu zili kunangika

• Pali kusoleka Komiti Yakovwira Para Kwachitika Soka, kuti yilongozge ntchito yakupeleka wovwiri. Komiti iyi yikugwira ntchito lumoza na ŵalaŵiliri ŵadera kweniso ŵalara kuti yiwone ivyo vyanangika na kupeleka wovwiri wakwenelera ku ŵabali na ŵadumbu ŵithu

• Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19

Nangauli nyumba zinandi za ŵabali ŵithu zili kunangika, kweni ndise ŵakukondwa kuti palije na yumoza wa ŵabali na ŵadumbu ŵithu uyo wali kupwetekeka na soka ili. Tikulutilira kuŵalombera, apo ŵakulutilira kulaŵiska kwa Yehova mu nyengo ya suzgo iyi.—Nahumu 1:7.